रक्सीले मातेका ७० वर्षीय बुवाले छुरा प्रहार गर्दा छाेराकाे ज्यान गयाे

भदौ ३०, २०७७ मंगलबार १४:४२:४१ | केसी लामिछाने

पर्सा – पोखरिया नगरपालिका ६ काे सिर्सियामा बुवाले छुरा प्रहार गर्दा छाेराकाे ज्यान गएकाे छ ।

बुवाले रक्सी खाएर आएको विषयमा दुई जनाबीच भनाभन भएको थियो । रक्सीले मात्तिएका बावुले छुरा प्रहार गर्दा ३५ वर्षीय छोरा माधव साह राैनियारकाे ज्यान गएकाे हाे । छुरा प्रहार गर्ने ७० वर्षीय बुवा लक्ष्मी साह रौनियारलाई नियन्त्रणमा लिइएकाे इलाका प्रहरी कार्यालय पोखरियाका प्रहरी निरीक्षक चन्द्रकुमार सिंहले बताउनुभयो ।

छुरा प्रहारबाट गम्भीर घाइते भएका माधवलाई उपचारको लागि वीरगञ्ज ल्याउने क्रममा बाटोमा ज्यान गएकाे प्रहरीले जानकारी दिएकाे छ ।

सोमबार साँझ सवा ७ बजे बुवाले छाेरामाथि छुरा प्रहार गरेका थिए ।

अन्तिम अपडेट: बैशाख १३, २०८१

केसी लामिछाने

केसी लामिछाने पर्साका उज्यालो सहकर्मी हुनुहुन्छ ।

रक्सीले मातेका ७० वर्षीय बुवाले छुरा प्रहार गर्दा छाेराकाे ज्यान गयाे

तपाईको प्रतिक्रिया