काठमाण्डौका थप दुई ठाउँमा ट्राफिक बत्ती : एघार ठाउँमा जोडिँदै

असोज १, २०७७ बिहीबार ९:२३:३४ | रासस

काठमाण्डाै – काठमाण्डौका थप दुई ठाउँमा ट्राफिक बत्ती सञ्चालनमा आएको छ । ट्राफिक व्यवस्थापनलाई प्रविधिमैत्री बनाई सहज, व्यवस्थित र चुस्त बनाउन बत्ती सञ्चालनमा ल्याएको महानगरीय ट्राफिक प्रहरी महाशाखाले जनाएको छ ।

महाशाखा र काठमाण्डौ महानगरपालिका वडा नं १ को समन्वयमा कमलपोखरीको ल्होत्से चोक र वडा नं ५ सँगको सहकार्यमा हाडीगाउँ (भाटभटेनी अगाडि) ट्राफिक बत्ती सञ्चालनमा ल्याइएको हो । महानगरीय ट्राफिक प्रहरी महाशाखाका प्रमुख प्रहरी वरिष्ठ उपरीक्षक भीमप्रसाद ढकालले काठमाण्डौ उपत्यकाका अरु ठाउँमा पनि पालिकासँग समन्वय गरी ट्राफिक बत्ती जडान गर्न पहल भईरहेको जानकारी दिनुभयो ।

अहिले कुपण्डोल, झम्सिखेल, हनुमानस्थान, मैतीदेवी, सोह्रखुट्टे चोक, सितापाइला, बौद्ध, ग्रान्डी चोक लगायतका ११ ठाउँमा ट्राफिक बत्ती जडान भैरहेको छ । उपत्यकाका अरु ४६ ठाउँमा पनि ट्राफिक बत्ती जडानको पहल भइरहेको महाशाखाले जनाएको छ ।

सञ्चालन हुँदै आएका ट्राफिक बत्तीको सङ्केत पूर्णपालना गर्न महाशाखाले अनुरोध गरेको छ । महाशाखाले विगत नौ वर्षदेखि बिग्रेर रहेका सिंहदरबार, पद्मोदय (सभागृह जाने मोड), पद्मोदय (अनामनगर जाने मोड), पुतलीसडक, नयाँ बानेश्वर, पुरानो बानेश्वर, सुविधानगर, गौरीगाँउ, मुनिभैरव, कालिमाटी चोक, कालिमाटी शालिक, नयाँ ठिमी चोक, गौशाला, मित्रपार्क, नारायणगोपाल चोक, परोपकार, टङ्केश्वर, महापाल, पुल्चोक, हरिहरभवन र अल्का अस्पताल चोक लगायत क्षेत्रमा बत्ती सञ्चालनमा ल्याइसकेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

काठमाण्डौका थप दुई ठाउँमा ट्राफिक बत्ती : एघार ठाउँमा जोडिँदै

प्रतिकात्मक तस्बिर

तपाईको प्रतिक्रिया