बोक्सीको आरोपमा सिरहामा महिलामाथि कुटपिट, 'उजुरी गरे चाेरीकाे आराेपमा फसाइ दिने धम्की'

असोज ४, २०७७ आइतबार १५:३४:१६ | रासस

सिरहा – बोक्सीको आरोपमा सिरहाको नवराजपुर गाउँपालिकामा एक महिलामाथि कुटपिट भएको छ । कुटपिटबाट घाइते नवराजपुर ५ काे कसुन्डीकी ४५ वर्षीया महिलाकाे धरानमा रहेको वीपी कोइराला स्वास्थ्य विज्ञान प्रतिष्ठानमा उपचार भइरहेको आफन्तले बताएका छन् ।

ती महिलाले टुनामुना गरी गाउँका एक जना बच्चा बिरामी पारेको र अर्का एक जनाको ज्यान गएको आरोप लगाउँदै त्यहीँ ठाउँका धर्मनाथ यादव, उहाँका छोरा सन्तोष, देवनाथ यादव, कृष्ण यादव, ब्रह्म यादवलगायतले उनीमाथि कुटपिट गरेका पीडितका छोराले जानकारी दिनुभयो ।

गएको भदाै २९ गते राति घरमा नै सुतिरहेका बेला आमालाई घरबाट बाहिर निकालेर सडकमा लगेर कुटपिट गरेकाे छाेरा यादवले बताउनुभयो । कुटपिट गर्नेहरुले प्रहरीमा उजुरी गरे चोरीको आरोपमा फसाइ दिने धम्की दिएको पनि उहाँको गुनासो छ ।

जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) शालिकराम शर्माले भने घटनाबारे अनुसन्धान भइरहेको जानकारी दिनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्