आयरल्यान्ड–उल्भ्ससँगकाे खेलमा नेपाल 'ए' टस जितेर बलिङ गर्दै
चैत १६, २०८० शुक्रबार
धादिङ – अविरल वर्षाका कारण पृथ्वी राजमार्गको धादिङ खण्डमा ठाउँ–ठाउँमा पहिरो गएको छ । सडकमाथिबाट आएको पहिरो र लेदोले राजमार्गमा क्षति पुर्याएको छ ।
जोगीमारा, मौवा खोला, जवाङखोला, तिकराङ, गजुरीको घाटबेँसीलगायत २० भन्दा बढी ठाउँमा पहिरो गएको सडक साइट कार्यालय गजुरीका प्रमुख इन्जिनियर कृष्णराज अधिकारीले बताउनुभयो । राजमार्गमा पहिरो आएको र केही ठाउँमा सडक भासिएपछि गाडी चल्न कठिनाइ भएको छ ।
सडक विभागको डोजरले राजमार्गमा आएको पहिरो पन्छाउँदै गरेको भए पनि अविरल वर्षाले गर्दा माथिबाट पहिरो झरिरहेको छ । धादिङ खण्डमा ७४ शाखा सडक खनेका कारण सानो पानी पर्दा पनि पहिरो र लेदो झरेर राजमार्ग बन्द हुने गरेको छ ।
जताततै पहिरो खसेका कारण सडकमा एकतर्फी गाडी सञ्चालन भएको छ । प्रहरीले सुरक्षित भएर मात्र यात्रा अघि बढाउन सुझाव दिएको छ ।
धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।