'फास्ट ट्र्याक' बाट कानुन बनाई सहकारी पीडितका समस्या समाधान ग...
बैशाख १३, २०८१ बिहिबार
काठमाण्डाै - विवादित क्षेत्रलाई लिएर अर्मेनिया र अजरबैजानबीच सैन्य युद्ध हुँदा २३ जनाको ज्यान गएको छ । केही घाइते भएका छन् ।
नागोरना काराबख क्षेत्रलाई लिएर विवाद बढ्दै जाँदै दुवै देशले एक-अर्काको क्षेत्रमा हवाई आक्रमण गरेको बीबीसीले जनाएको छ । अजरबैजानले पहिला विवादित क्षेत्रमा रहेको बस्तीमा हवाई आक्रमण गरेको आरोप अर्मेनियाले लगाएको छ ।
त्यसपछि प्रतिरक्षा कार्यमा अर्मेनियाले पनि अजरबैजानको हेलिकप्टर र सैन्य ट्याङ्कहरु ध्वस्त बनाएको बताइएको छ । विवादित क्षेत्र अन्तर्राष्ट्रिय स्तरमा अजरबैजानको भूमि भनेर चिनिन्छ । तर त्यो भूमि आदिवासी अर्मेनियनहरुको नियन्त्रणमा रहेको छ ।
यो क्षेत्रलाई लिएर झण्डै तीन दशकदेखि दुवै देशबीच विवाद हुँदै आएको थियो । आक्रमणपछि अर्मेनिया सरकारले सैन्य कानुन लागू गर्दै सैनिक परिचालन गर्ने निर्णय गरेको छ । अजरबैजानले अर्मेनियाको आक्रमणबाट आफ्ना सर्वसाधारण मारिएको बताएको छ । अजरबैजान सरकारले अर्मेनियाको आक्रमणको प्रतिरक्षा गर्न सेनालाई तयार रहन निर्देशन दिएको छ ।