बाग्लुङ बाढी पहिरोमा परेका १६ जना अझै बेपत्ता, खोजी कार्य रोकियो

असोज १३, २०७७ मंगलबार १५:५४:३५ | रासस

बाग्लुङ – बाग्लुङका बाढी पहिरोमा परेका १६ जना अझै हराइरहेका छन् । गएको भदौ १७ गते भुजी खोलामा आएको बाढीमा परेका ढोरपाटन नगरपालिका ९ का १५ जना हराइरहेका छन् । त्यसअघि साउन १० गते बाग्लुङ नगरपालिका १ मा खसेको पहिरोले टिप्पर पुर्दा हराएका चालक निर्मल पुनको पनि अवस्था थाहा हुन सकेको छैन ।

एक महिना पुग्न लाग्दासमेत बाढीमा परेकाहरु नभेटिएपछि प्रहरीले खोजी गर्न छाडेको छ । सुरक्षाकर्मी र उद्धारकर्ता हप्तौँसम्म बेपत्ताको खोजीमा जुटेका थिए । इलाका प्रहरी कार्यालय बुर्तीवाङका प्रहरी निरीक्षक प्रकाशसिंह भण्डारीले बेपत्ता भएका सकुशल भेटिने सम्भावना कम रहेको बताउनुभयो ।

जिल्ला प्रशासन कार्यालय बाग्लुङका सूचना अधिकारी धीरेन्द्रराज पन्तले बेपत्ता भएकाका परिवारलाई पनि मृतकसरह राहत दिलाउन प्रक्रिया अगाडि बढाइएको जानकारी दिनुभयो । उहाँका अनुसार जिल्ला विपद् व्यवस्थापन समितिको बैठकले बाढी पहिरोमा बेपत्ताको खोजी र स्थलगत अध्ययनका लागि जिल्ला प्रशासन कार्यालयका प्रशासकीय अधिकृत गणेश गौतमको संयोजकत्वमा उपसमिति गठन गरेको छ । सरकारले मृतकका परिवारलाई दुई लाख रुपैयाँ राहत दिएको थियो ।

यस्तै एउटै परिवारमा अन्य सदस्यको पनि ज्यान गएमा थप एक लाखका दरले राहत उपलब्ध हुने गरेको छ । बेपत्ता भएका परिवारलाई पनि तत्कालीन राहतस्वरुप १५ हजार रुपैयाँ दिने गरिएको छ ।

यो वर्ष बाढी पहिरोका कारण ढोरपाटनसहित जैमिनी नगरपालिका, निसी खोला, तमान खोला, तारा खोला, बडिगाड, काठेखोला गाउँपालिकालगायत क्षेत्रमा जनधनको क्षति भएको छ । भुजी खोलाको बाढीमा सबैभन्दा धेरै २२ जनाको ज्यान गएको थियो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाग्लुङ बाढी पहिरोमा परेका १६ जना अझै बेपत्ता, खोजी कार्य रोकियो

फाइल फाेटाे

तपाईको प्रतिक्रिया