थाइल्याण्डको युवा टोलीसँग नेपाली यु-२३ टिमकाे लज्जास्पद हार : ४–० ले पराजित

 साउन २५, २०७५ शुक्रबार १८:२३:२४ | उज्यालो सहकर्मी
unn.prixa.net

आउँदो एसियाली खेलकुदको तयारीका लागि थाइल्याण्डमा प्रशिक्षणरत नेपाली राष्ट्रिय फुटबल टोलीले शुक्रबार थाइल्याण्डको युवा टोलीविरुद्धको मैत्रीपूर्ण खेलमा पराजय व्यहोरेको छ ।
 
सिनियर र जुनियर खेलाडी सम्मिलित नेपाली टोलीले थाई युवा टोलीसँग ४–० गोलको पराजय व्यहोरेको छ । नेपालले थाइल्याण्डलाई कुनै चुनौती नै दिन सकेन ।
 
यसअघि सोमबार भएको पहिलो मैत्रीपूर्ण खेलमा नेपालले थाइ प्रिमियर लिग क्लव पुलिस टेरोको बी टिमसँग १–० गोलले पराजित भएको थियो ।
 
नेपाल एसियाली खेलकुदका लागि शनिबार उतैबाट इण्डोनेसिया प्रस्थान गर्नेछ । एसियन गेम्सको समूह डी मा रहेको नेपालले समूहको आफ्नो पहिलो खेल साउन २९ गते जापानसँग खेल्दैछ । नेपाल रहेको समूहमा भियतनाम र पाकिस्तान छन् ।
 
यु–२३ टोली समावेश गर्ने प्रतियोगितामा तीन जना सिनियर खेलाडी राख्न पाउने प्रावधानअनुसार गोलरक्षक किरण चेम्जोङ, मिडफिल्डरहरु रोहित चन्द र विशाल राई ओलम्पिक टोलीमा राखिएको छ । नेपालको कप्तानी किरणले गर्नेछन् ।
 
एसियाली खेलकुदपछि नेपालले आगामी सेप्टेम्बरमा बंगलादेशमा हुने साफ च्याम्पियनसिपमा सहभागिता जनाउनेछ ।

अन्तिम अपडेट: मंसिर ११, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • tanka limbu

    Aug. 10, 2018, 6:50 p.m.

    नेपाली फुटबल मानी राजनीति चल्छ अनि कहाँ बाट हुन्छ?राम्रो खेलाडी ले स्थान पैउदैन जस्को आफ्नो माछे छ उ मात्र रास्ट्र Team पर्न सफल हुन्छ ।त्यको नतिजा हो यो

  •  0 Reply

तपाईको प्रतिक्रिया

समाचार

लोकप्रिय

१

आईपीएल : १३ वर्षका खेलाडी एक करोड १० लाख भारुमा अनुबन्ध

२

सुनकाे भाउ दुई दिनमा १८ हजार पाँच सय रुपैयाँले घट्यो

३

अस्थायी, ज्यालादारी कर्मचारीलाई पनि सामाजिक सुरक्षा काेषको दायरामा ल्याउने प्रधानमन्त्रीकाे घाेषणा

४

सामाजिक सुरक्षा कोषले विदेशमा रहेका श्रमिकका श्रीमान्–श्रीमती तथा छोराछोरीको उपचार खर्च पनि बेहाेर्ने

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई