धनकुटा : पहिराेमा पूर्णरुपमा क्षति भएका ४१ घर पुनर्निर्माणकाे लागि सिफारिस

असोज २६, २०७७ सोमबार १५:४१:३२ | सन्ताेष रुचाल

धनकुटा – धनकुटामा पहिरोमा परि पूर्णरुपमा क्षति भएका ४१ घर पुनर्निर्माणको लागि सिफारिस भएको छ ।

जिल्ला विपद् व्यवस्थापन समिति धनकुटाकोे बैठकले जिल्लाभरिबाट निवेदन आएकामध्ये प्रक्रिया पुगेकालाई पहिलो चरणमा सिफारिस गर्ने निर्णय गरेको हो । बैठकले पहिरोमा पुरिएर ज्यान गुमाएका एक जनाका परिवारलाई राहतका लागि सिफारिस गर्ने निर्णय भएको प्रमुख जिल्ला अधिकारी केशवप्रसाद विमलीले बताउनुभयो ।

धनकुटामा विपद्का घटनाका (साना–ठूला) गरी दुई सय ५७ वटा निवेदन आएका थिए । घर पूर्णरुपमा क्षति भएका तर कागजात नपुगेर रोकिएका पीडितहरुको प्रक्रिया पु¥याइ फेरि अर्को पटक सिफारिस गर्ने निर्णय भएको छ । बेठकमा प्रतिनिधि सभाका सदस्य राजेन्द्रकुमार राईले विपद्मा परि पीडित भएकाहरुलाई निष्पक्ष ढङ्गबाट राहत उपलब्ध गराउनुपर्नेमा जोड दिनुभयो ।

पहिरोमा घर पूर्णरुपमा क्षति भएर पीडित भएकाहरुलाई जिल्ला प्रशासन कार्यालय धनकुटाले राहत स्वरुप तत्कालका लागि परिवार सङ्ख्या हेरेर १५ हजारदेखि २० हजार रुपैयाँसम्म वितरण गरेको थियो ।

बैठकमा धनकुटाका सात वटा विद्यालय पुनर्निर्माणका लागि सूचीमा दर्ता गर्ने निर्णय गरिएको थियो । कार्यक्रमकै अवसरमा अमेरिका रेडक्रस सोसाइटीको आर्थिक सहयोगमा नेपाल रेडक्रस सोसाइटी धनकुटा शाखाद्वारा प्रकाशित जिल्ला विपद् पूर्वतयारी तथा प्रतिकार्य योजना २०७७ नामक पुस्तकको प्रतिनिधि सभाका सांसद राजेन्द्रकुमार राई, प्रदेश सभाका सदस्यहरु इन्द्रमणि पराजुली, निरन राईले संयुक्त रुपमा विमोचन गर्नुभएको छ ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्