प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
रुकुम पश्चिममा आर्थिक समृद्धि र सामाजिक रुपान्तरणको अभियान शुरु भएको छ ।
'उत्पादन, रोजगार एवम् आर्थिक विकासका साथ समृद्धितिर अघि बढौं, सामाजिक साँस्कृतिक रुपान्तरण र विकास गर्दै समाजवादको आधार तयार पारौं' भन्ने नाराका साथ अभियान शुरु भएको हो ।
पत्रकार सम्मेलनमा अभियानबारे जानकारी दिँदै जिल्ला समन्वय समिति रुकुम पश्चिमका प्रमुख राजकुमार शर्माले यो अभियानलाई नागरिकको अवस्था परिवर्तन नहुँदा सम्म प्राथमिकताका साथ कार्यान्वयन गरिने बताउनुभयो ।
अभियानमा विभिन्न २२ वटा कार्यक्रमलाई प्राथमिकिकरण गरेको उहाँले बताउनुभयो । जसमा पहिलो प्राथामिकतामा शिक्षा रहेको छ भने घरबास नहुनेका लागि घर बनाउने, सेवाग्राहीमैत्री योजना छनौट लगायतका कार्यक्रमहरु समेटिएका छन् ।
एक वडा एक नमूना उत्पादन पकेट क्षेत्र बनाई उत्पादनको विकास गर्ने, जमिन बाँझो नराख्ने, श्रम पलायन हुन नदिने, निर्यातमुखि उत्पादनमा जोड दिने लगायतका कार्यक्रमहरु अभियानमा समेटिएका प्रमुख शर्माले जानकारी दिनुभयो । अभियान सबै पालिकाको समन्वयमा शुरु भएको उहाँले बताउनुभयो ।