साप्ताहिक अभियान अन्तर्गत व्यक्तिगत घटना सम्बन्धी २३ हजारभन्दा धे...
बैशाख ८, २०८१ शनिबार
कैलाली – ड्युटीकै क्रममा नचिनेका मानिसकाे समूहद्वारा हत्या गरिएका कैलालीको धनगढी उपमहानगरपालिका १२ को अस्थायी प्रहरी बिट जुगेडाका इन्चार्ज प्रहरी सहायक निरीक्षक (असई) गोविन्द विकका परिवारजन शोकमा डुबेको छ ।
घरको अभिभावक नै गुमाएपछि कञ्चनपुरको पुनर्वास नगरपालिका ९ ख गाउँ निवासी मृतक विकका परिवारजन शोकमा डुबेका छन् । अति विपन्न परिवारमा जन्मेका विकसहित तीन भाइ थिए । गाेविन्द माहिलाे भाइ हुन् ।
याे पनि पढ्नुहाेस्
असई मृत्यु प्रकरण : ‘हत्यापछि शव माेहना नदीमा फालिएकाे हुन सक्छ’ |
घरमा कमाइ गर्ने तथा लालनपालनको जिम्मेवारी सम्हाल्नुभएका विकको ड्युटीकै क्रममा रहस्यमयी ढङ्गले हत्या गरिएपछि आफूहरु अनाथ जस्तै भएको विकका भतिजा हरि विकले पीडा पाेख्नुभयाे ।
घटना भएको खबर पाउनेबित्तिकै पूरै परिवारसहित धनगढी पुग्नुभएका उहाँ भन्नुहुन्छ, ‘हाम्रो त घरमूली नै अङ्कल हुनुहुन्थ्यो । हामी टुहुरो भयौँ ।’ भूमीहीन विपन्न परिवारको अभिभावक रहनुभएका असई विकले १२ जना परिवारको लालनपालन गर्दै आउनुभएको थियो । उहाँकी श्रीमतीसहित साढे दुई र अर्की ६ वर्षीया गरी दुई छोरी छन् ।
प्रहरी सेवामा तीन वर्ष मात्रै बिताउनुभएका विक दुई महिना पहिले सुर्खेत जिल्लामा कार्यरत हुनुहुन्थ्यो । विक परिवारको बिचल्ली भएपछि उहाँको परिवारजनको जीविकोपार्जन तथा बालबालिकाको शिक्षा दीक्षाको जिम्मेवारी राज्यले लिनुपर्ने माग गरिएको छ । पुनर्वास नगरपालिका ९ का वडाध्यक्ष नारायणप्रसाद जैशीले विक परिवारको लालनपालनको जिम्मा राज्यले लिनुपर्ने बताउनुभयो ।
सीताराम ओझा कैलालीका उज्यालाे सहकर्मी हुनुहुन्छ ।