जेरार्ड पिकेले लिए अन्तर्राष्ट्रिय फुटबलबाट सन्यास

साउन २७, २०७५ आइतबार ९:१८:५ | उज्यालो सहकर्मी

स्पेनिस डिफेण्डर जेरार्ड पिकेले अन्तर्राष्ट्रिय फुटबलबाट सन्यासको घोषणा गरेका छन् ।

३१ वर्षीय सेनटर ब्याक पिकेले स्पेनिस टोलीका लागि सन् २००९ देखि २०१८ सम्म १०२ क्याप जितेका छन् भन पाँच गोलसमेत गरेका छन् ।

उनी सन् २०१० मा स्पेले विश्वकपको उपाधि जित्दा टिमका महत्वपूर्ण सदस्य थिए । त्यस्तै स्पेनलाई सन् २०१२ को युरो च्याम्पियन बनाउन पनि उनको योगदान महत्वपूर्ण रह्यो ।

पिकेले हालै भएको रुस विश्वकपको छनोट चरण सुरु भएदेखि नै विश्वकपपछि फुटबलबाट सन्यास लिने सोच बनाएको बताएका छन् । उनले अनावश्यक विवादको भूमरीबाट बाहिर शान्त बस्न उपयुक्त उनले धारणा राखेका छन् ।

स्पेनको उत्तर पूर्वी राज्य क्याटालोनियाको स्वतन्त्रताको पक्षमा खुलेर समर्थन गरेको भन्दै राजधानी मड्रिडका समर्थकहरुले उनको आलोचना गरेका थिए । तर, बार्सिलोनाका यी सेन्टर ब्याकले अन्तिमसम्म आफ्नो अडान यथावत राखे । सरकारले जनताको मत सुन्नुपर्ने उनको धारणा थियो ।

राष्ट्रिय टिम छाडे पनि उनी बार्सिलोनामा भने रहनेछन् । स्पेनिस टोलीमा उनको भरपर्दो उत्तराधिकारी आइनसकेको अवस्थामा सन्यासको घोषणा गर्दा यसले केही असर पार्न सक्ने विश्लेषण गरिएको छ ।

उनले विश्वकप लगत्तै सन्यासको सोच बनाएको भए पनि अन्तिम १६ मा रशसँग पेनाल्टी शुटआउटमा पराजित भएर विश्वकपबाट बाहिरिएको एक महिनापछि मात्रै सन्यास लिएका छन् ।

‘मैले राष्ट्रिय टोलीमा निकै उत्कृष्ट समय बिताएँ, विश्वकप र युरोपियन च्याम्पियनसिप जितेँ, अब बार्साकै लागि पूर्ण ध्यान केन्द्रित गर्दैछु,’ पिकेले भने ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्