सन्दीप लामिछानेको टोली सेन्ट किट्सको पहिलो जित, ट्रिनबागो नाइटराइडर्स ४२ रनले पराजित

साउन २७, २०७५ आइतबार १०:६:४२ | उज्यालो सहकर्मी

क्यारेवियन प्रिमियर लिग सीपीएलमा नेपाली युवा स्पिनर सन्दीप लामिछानेको टोली सेन्ट किट्स एण्ड नेभिस प्याट्रियट्सले पहिलो जित हासिल गरेको छ ।

आइतबार भएको खेलमा सेन्ट किट्सले ट्रिनबागो नाइट राइडर्सलाई ४२ रनले पराजित गरेको हो ।

टस हारेर पहिले ब्याटिंग गरेको सेन्ट किट्सले निर्धारित ओभरमा ७ विकेट गुमाएर २०३ रनको योगफल बनाएको थियो । उसका लागि डेभोन थोमसले सर्बाधिक ५८ रन बनाए ।

त्यस्तै कप्तान तथा ओपनर क्रिश गोलले ३५ रन बनाउँदा दशौं नम्बरमा आएर कार्लोस ब्रेथवेइटेले १५ बलमा ४१ रन प्रहार गरे । जसमा १ चौका र ५ छक्का सामेल थियो । सेन्टस किट्सका लागि बेन कटिंगले पनि अविजित २५ रन बनाए ।

बलिंगतर्फ ट्रिनबागका अली खानले ३ विकेट लिए ।

२०४ रनको लक्ष्य पछ्याएको ट्रिनबागोले निर्धारित ओभरमा ८ विकेट गुमाएर १६१ रनमात्र बनाउन सक्यो र सेन्ट किट्सको ४२ रनको जित समभव भयो । उसका लागि कोलिन मुनरोले ३५, डरेन ब्राभोले ४१ र केभिन कुपरले अविजित ४२ रन बनाउनुबाहेक अन्यले गतिलो साथ दिन सकेनन् ।

बलिंगतर्फ नेपालका सन्दीप लामिछानेले १ विकेट लिए । चौथो ओभर बलिंग गरो सन्दीपले विकेट मेडन ओभर लिएका थिए । उनले ट्रिनबागोा ओपनर क्रिश लिनलाई बोल्ड गरेका थिए । आठौं ओभरमा उनले ३ रन मात्र खर्चिए ।

तर, अन्तिम ओभरमा भने उनी केहि महंगो पर्न गए । जहाँ उनलाई केभिन कुपरले एक छक्का र एक चौका प्रहार गरे पनि कुपरके एउटा क्याच मिस भएको थियो । सन्दीपले ३ ओभरमा १७ रन खर्चिएर १ विकेट लिए ।

सन्दीपका अलावा कार्लोस ब्रेथवेइटे, बेन कटिंग र जेरेमी लुइसले २–२विकेट लिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्