कालीगण्डकीमा स्टिमर सेवा सुरु भयो, यात्रु भएनन्

कात्तिक ३०, २०७७ आइतबार १४:११:१ | राधाकृष्ण डुम्रे

स्याङ्जा – स्याङ्जाको कालीगण्डकी नदीमा फेरि सञ्चालनमा आएको स्टिमर सेवा कोरोना भाइरस सङ्क्रमणकाे कहरका कारण प्रभावित बनेको छ । विश्वव्यापी रुपमा फैलिएको कोरोना महामारीका कारण बन्द भएको स्टिमर सेवा दशैँ पर्वलाई लक्षित गरि फेरि सञ्चालनमा ल्याइएको भए पनि यात्रुको चहलपहल भने ठप्प रहेको छ ।

जलयात्राको आनन्द लिन र स्टिमरबाट शालिग्राम शिलाको दर्शन गर्नका लागि भिडभाड हुने यो ठाउँ अहिले प्रायः शून्य रहेको छ ।

कोरोना सङ्क्रमणको जोखिम कायमै रहेकोले अहिले पर्यटकको सङ्ख्यामा कमी आएको शालिग्राम कालीगण्डकी जल यातायात प्रालिका कोषाध्यक्ष प्रेम माझीले बताउनुभयो । उहाँले भन्नुभयो, ‘सामान्य अवस्थामा दैनिक चारदेखि पाँच सय जनाले स्टिमर सेवा लिने गरेकोमा पछिल्लो समयमा दैनिक १२/१३ जना मात्रै हुने गर्दछन् ।’

कोषाध्यक्ष माझीका अनुसार यात्रुको चहलपहल कम भएकोले कर्मचारीको तलबसमेत धान्न मुस्किल परेको छ ।

सामान्य अवस्थामा कालीगण्डकी ‘ए’ जलविद्युतका उत्पादनका क्रममा बनेको सुन्दर तालको अवलोकन गर्नेहरुको सङ्ख्या उल्लेख्य हुन्थ्यो भए पनि अहिले भने सङ्ख्या घटेको स्थानीय व्यापारी शान्ति न्यौपानेले बताउनुभयो ।

कालीगण्डकी गाँउपालिका ७ को आँधीमुहानबाट गल्याङ नगरपालिका ५ मा पर्ने शालिग्राम शिला स्थलसम्म पुग्न झण्डै ३० मिनेट लाग्छ, प्रति यात्रुका लागि चार सय रुपैयाँ भाडा तय गरिएको छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्