पाँच राेपनी जग्गा भाडामा लिइ वालिङका ४० जना महिलाले सुरु गरे सामूहिक आलु खेती

मंसिर ७, २०७७ आइतबार २०:२९:४१ | राधाकृष्ण डुम्रे

स्याङ्जा – वालिङ नगरपालिका ९ को बामलेटारमा दलित समुदायका महिलाहरुले सामूहिक रूपमा आलु खेतीको सुरुवात गरेका छन् ।

वालिङ नगरपालिका र संयुक्त राष्ट्र सङ्घीय विकास कार्यक्रम (यूएनडीपी) को आर्थिक सहयोग तथा दियालो संस्थाको व्यवस्थापनमा वालिङमा सञ्चालित ‘कोभिड–१९ उद्धार र सामाजिक आर्थिक प्रतिकार्य परियोजना’ अन्तर्गत सामूहिक आलु खेती सुरु गरिएको हो ।

४० जना दलित समुदायका महिलाहरु मिलेर स्थापना गरेको आँधीखोला आलु उत्पादक सहकारी संस्थामार्फत पाँच रोपनी जग्गा भाडामा लिएर सामूहिक आलु खेती गरेको संस्थाकी अध्यक्ष सुनिता विश्वकर्माले बताउनुभयो ।

‘संस्थाले आलुको बिउ, आवश्यक मलखाद तथा अन्य औषधिहरू निःशुल्क उपलब्ध गराएको छ’, अध्यक्ष विश्वकर्माले भन्नुभयो, ‘समूहमार्फत हामीले श्रम मात्रै गरे पुग्छ ।’

कोभिड–१९ का कारण आर्थिक मार परेकोले जीवनस्तर उकास्न सामूहिक आलु खेती थालेको संस्थाकी कोषाध्यक्ष सुविना विकले बताउनुभयो ।

समूहले पाँच रोपनी क्षेत्रफलमा ‘जनकदेव’ जातको आठ क्विण्टल बिउ लगाउने भएको हो ।

आलु प्राविधिकहरुको प्रत्यक्ष निगरानी र सल्लाहमा नगरपालिकाका तीन वटा क्षेत्रमा सामूहिक आलु खेती गरिएको दियालो संस्थाका अध्यक्ष कविता तिवारीले बताउनुभयो ।
यसका अलावा परियोजना अन्तर्गत वालिङ १४ को पनियारेमा र वालिङ ६ मा १० रोपनीमा आलु लगाइने भएको हो ।

स्मार्ट सिटीको अवधारणामा अगाडि बढ्दै गरेको वालिङका १४ वटै वडामा उत्पादन बढाउने गरी अभियान सुरु गरिएको नगर प्रमुख दिलीप प्रताप खाँणले बताउनुभयो । ‘हाम्रो ध्यान भनेकै यस ठाउँको वातावरण र माटो सुहाउँदो उत्पादनमा जोड हो’, नगर प्रमुख खाँणको भनाइ छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्