पहिलो पटक नेपाली क्रिकेटर अाईसीसीकाे एकदिवसीय वरीयतामा

साउन २८, २०७५ सोमबार १७:३५:४२ | उज्यालो सहकर्मी

पहिलो पटक अन्तर्राष्ट्रिय एकदिवसीय सिरिज खेलेपछि नेपाली क्रिकेटरहरु अन्तर्राष्ट्रिय क्रिकेट परिषद आईसीसीको एकदिवसीय वरीयतामा पहिलो पटक समावेश भएका छन् ।

आईसीसीले सोमबार सार्वजनिक गरेको नयाँ वरीयतामा युवा बलर सन्दीप लामिछाने, ब्याटिङमा अलराउण्डर सोमपाल कामी र ज्ञानेन्द्र मल्ल छन् ।

क्रिकेटको २२ वर्षको इतिहासमा पहिलो पटक अन्तर्राष्ट्रिय एकदिवसीय मान्यता पाएपछि नेपाली खेलाडीहरुको विश्व वरीयताको ढोका खुलेको हो ।

दुई एकदिवसीयमा सन्दीपले ४ विकेट लिएका थिए भने सोमपालले १ अर्धशतकसहित ६१ रन बनाएका थिए । त्यस्तै ज्ञानेन्द्रले पनि १ अर्धशतकसहित ६४ रन बनाएका थिए ।

बलिङतर्फ सन्दीप लामिछाने २१७औं वरीयतामा परेका छन् । त्यस्तै ब्याटिङतर्फ सोमपाल २२९औं र मल्ल २३६औं वरीयातामा छन् ।

यसअघि गएको साता चार नेपाली खेलाडीहरु कप्तान पारस खड्का, वसन्त रेग्मी, सोमपाल कामी र शरद भेषावकर पहिलो पटक टी–२० वरीयतामा परेका थिए । एकदिवसीय र टी–२० दुवै वरीयतामा पर्ने सोमपाल एक्ला नेपाली खेलाडी हुन् ।

आईसीसीको नयाँ वरीयतामा भारतीय क्रिकेट टोलीका कप्तान विराट कोहली ब्याटिङतर्फ शीर्ष स्थानमा यथावत छन् । त्यस्तै भारतकै जरप्रित बुम्राह बलिङतर्फ शीर्ष स्थानमा रहँदा बंगलादेशी क्रिकेटर सकिव अल हसन अलराउण्डरमा शीर्ष स्थानमा छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्