क्यानको निलम्बनको फुकुवाका लागि काठमाडौंका आईसीसी मनिटरिङ कमिटीको बैठक सुरु

साउन २८, २०७५ सोमबार २०:२६:० | उज्यालो सहकर्मी

काठमाडौं – क्रिकेट विवाद समाधान गरी नेपाल क्रिकेट संघ (क्यान) निलम्बन फुकुवाका लागि अन्तर्राष्ट्रिय क्रिकेट परिषद (आईसीसी)ले बनाएका मनिटरिङ कमिटीको बैठक सोमबारदेखि काठमाडौंमा सुरु भएको छ ।

काठमाडौंको सोल्टी होटलमा जारी कमिटीको बैठक मंगलबारसम्म चल्नेछ । बैठकले क्यानको सुल्झाउन बाँकी विवादका बारेमा अन्तिम निर्णय लिने अपेक्षा गरिएको छ ।

मूख्य गरी जिल्ला संघहरुको अधिवेशनबारेको असन्तुष्टिमा बैठक केन्द्रित रहनेछ । कमिटीले साउन १० गते सार्वजनिक सूचना जारी गरी जिल्ला संघको अधिवेशनबारेको प्रमाणिकरण पेश गर्न भनेको थियो । निर्वाचित क्यानले जिल्लाको अधिवेशन स्वीकार गर्न माग गरिरहेका बेला आईसीसीले भने गत बैशाखमा संशोधन गरिएको बिधानअनुरुपको निर्वाचनलाई मात्र मान्यता दिने बताएको छ ।

यी लगायतका अन्य विवाद समाधान गरी क्यान निलम्बनको फुकुवाका लागि सकारात्मक निर्णय लिने कमिटीका सदस्य एलबी क्षेत्रीले जानकारी दिए । आईसीसीले बनाएको मोनिटरिङ कमिटीमा राष्ट्रिय खेलकुद परिषदका एक, निलम्बित क्यानका एक र आईसीसीका तीनजना प्रतिनिधि छन् । राखेपबाट एलबी क्षेत्री, निलम्बित क्यानबाट ठाकुर प्रताप थापा (रइस) र आईसीसीबाट अमर शेख, मोहम्मद अली र नितिश कोठारी छन् ।

निर्वाचित क्यानले आईसीसीको म्याण्डेटअनुसार विधान संशोधन गरेपछि बाँकी विवाद समाधानका लागि आईसीसीले मनिटरिङ कमिटी गठन गरेको हो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्