६० जना अपाङ्गता भएकाहरु अटाएकाे सिर्जनशील केन्द्र : गाँस, बास र पढाइको सुविधा

मंसिर १९, २०७७ शुक्रबार ८:१०:२८ | देव पचभैया

पाल्पा - १० वर्षदेखि संचालनमा आएको पाल्पाको सिर्जनशील अपाङ्ग स्वावलम्बन केन्द्रले फरक क्षमता भएकाहरुलाई रोजगारी प्रदान गर्नुका साथै पढाइ र आवासको समेत सुविधा प्रदान गर्दै आएको छ ।१४ जनाले रोजगारी पाएका छन् ।

नर्सरीदेखि स्नातकोत्तर तहसम्मका ४० जना विद्यार्थीलाई निःशुल्क छात्रवृत्ति प्रदान गरि पढाउँदै आएको सिर्जनशील अपाङ्ग केन्द्रमा १४ जना कामदार र ६ जना कर्मचारी छन् । झोल साबुन, फिनेल, अगरबत्ती, चिया पत्ती, स्यानिटाइजर, बाँसको र्याक, मुढा, अम्रिसोको कुचो, ट्वाइलेट क्लिनर, मास्क, गुडिया, कुलिनजस्ता दर्जनभन्दा बढी उपयोगी सामाग्री उत्पादन र बिक्रीवितरणमा खटिने सबै १४ जना अपांगता भएकाहरु हुन् ।

पाल्पाका ६, गोरखा र अर्घाखाँचीका २/२ जना र रुपन्देहीका ४ जनालाई रोजगारी दिएको भन्दै केन्द्रका अध्यक्ष सन्दीप भट्टराईले सीप, जाँगर र इच्छा भएका जोसुकै फरक क्षमताका आए पनि संस्थाले रोजगारी दिन तयार रहेको बताउनुभयो ।

संस्थामा उत्पादित सामानहरु उनीहरु आफैंले कार्यालय, संघसंस्था र पसल तथा घर-घरमा बिक्री गर्दै आएका छन् । ८ वर्षदेखि यही संस्थामा कार्यरत पाल्पा छहराका ४६ वर्षीय प्रेमबहादुर रानाले बेच्दा कमिसन र बनाउँदा ज्याला पाउने गरेको बताउनुभयो ।

कामका आधारमा मासिक ५ हजारदेखि १५ हजार रुपैयाँसम्म आम्दानी हुने अर्का कर्मचारी २८ वर्षीया तुलसा पौडेलले बताउनुभयो । जिउने आधार नै सिर्जनशील अपाङ्गता केन्द्र भएको उनीहरुको भनाइ छ ।

विभिन्न व्यक्ति र संघ संस्थाको सहयोगमा संचालन हुँदै आएको केन्द्रलाई स्थानीय सरकारले भने वास्ता नगरेको अध्यक्ष भट्टराईको गुनासो छ । उनीहरु ३ वर्षदेखि आफ्नै भवन निर्माण गरी सामूहिक रुपमा बस्दै आएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्