खाँदबारीमा कुकुरको टोकाइबाट १३ जना घाइते, बाहिर हिँडडुल गर्नै जोखिम

मंसिर २१, २०७७ आइतबार १६:४५:३६ | नवीन गुरुङ

संखुवासभा – संखुवासभाको खाँदबारी नगरपालिका – ३ र ४ मा बौलाहा कुकुरको टोकाइबाट एक हप्ताको अवधिमा १३ जना घाइते भएका छन् ।

खाँदबारी–३ मा ६ जना मानिस र ९ वटा पशुचौपया र खाँदबारी–४ मा ७ जना गरि जम्मा १३ जनालाई बौलाहा कुकुरले टोकेर घाइते बनाएको हो । बाटोमा हिँडिरहेको समयमा एक्कासी पछाडिबाट आएर बौलाहा कुकुरले टोकेको स्थानीयले बताएका छन् ।

गएको बिहिबार र शुक्रबार खाँदबारी—४ सेकाहाको चिप्लेगाउँमा विद्यालय जाँदै गरेका ७ जनालाई टोकेर घाइते बनाएको हाे । काममा जाँदै गरेको अवस्थामा दुईजना अभिभावक टकबहादुर राई र देवराज राई लगायत अन्य ५ जना बालबालिकालाई बौलाहा कुकुरले टोकेर घाइते बनाएकाे चिप्लेगाउँका स्थानीय शिशिर राईले बताउनुभयो ।

केहिदिन अगाडि मात्रै खाँदबारी नगरपालिका–३ मानेभञ्याङ्ग बजारमा बौलाहा कुकुरले टोकेर ६ जना मानिस र ९ वटा पशुचौपया घाइते बनाएको थियो । कुकुरको टोकाइबाट गम्भीर घाइते सात वर्षीय बालकको जिल्ला अस्पताल खाँदबारीमा उपचार हुन नसकेपछि धरान विपी कोइराला स्वास्थ्य विज्ञान प्रतिष्ठान रेफर गरिएको र त्यहाँ उपचार भइरहेको खाँदबारी–३ का वडाध्यक्ष भरतकुमार घिमिरेले जानकारी दिनुभयो ।

बजार क्षेत्र र गाउँमा छाडा कुकुरका कारण स्थानीयहरु आतङ्कित बनेका छन् ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्