गौशाला नगरपालिकाले पचास प्रतिशत कर घटायो

साउन २९, २०७५ मंगलबार २०:११:५२ | धनवीर महतो

महोत्तरी – महोत्तरीको गौशाला नगरपालिकाले स्थानीयस्तरमा लिइने कर घटाइएको छ ।

मंगलबार दिउँसो पत्रकार सम्मेलन गर्दै गौशाला नगरपालिकाले दलित तथा विपन्न परिवारका लागि नगरपालिकाले लिने भनेको ३६ प्रकारका करमा २० रुपैयाँका दरले लिइने जनाएको छ ।

कार्यपालिकाको बैठकले आर्थिक वर्ष २०७५/०७६ का लागि प्रस्तुत गरेको करमा संशोधन गर्दै यस्तो निर्णय गरेको हो । तर अन्यको हकमा प्रति सिफारिस पुरानै दर एक सय रुपैयाँ कायम रहेको गौशाला नगरपालिकाले जनाएको छ ।

पत्रकार सम्मेलनका बीच गौशाला नगरपालिकाका मेयर शिवनाथ महतोले राजश्व पुनरालोकन समितिले पेश गरेएको प्रतिवेदन उपर छलफल गर्दै केही थप घटबढ गर्दै सर्वसम्मत रुपमा पारित गरेको जानकारी दिनुभयो ।

यता घरजग्गा मूल्यांकन करमा ५० प्रतिशत घटाइएको नगरपालिकाका प्रमुख प्रशासकीय अधिकृत कृष्णप्रसाद चापागाईले बताउनुभएको छ । यसअघि प्रति लाखमा एक सय रुपैयाँ लागू भएको करलाई बैठकले छलफल गरी प्रति लाखमा ५० रुपैयाँ कर लिन प्रमुख प्रशासकीय अधिकृत चापागाईले बताउनुभयो ।

कर बढाइएको भन्दै महिना दिन अघिदेखि जारी रहेको आन्दोलनलाई मध्यनजर गर्दै वडा नम्बर –९ का वडाअध्यक्ष महेश सिंहको अध्यक्षतामा गठित राजस्व पूर्वालोकन समितिले एक महिना लगाएर प्रतिवेदन पेश गरेको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्