रुकुम पश्चिम : १४ हजार बढी बेरोजगार सूचीकृत, कामका लागि झण्डै सवा ७ करोड बजेट

पुष ४, २०७७ शनिबार १३:०:५३ | राजु लामिछाने

रुकुम पश्चिम - रुकुम पश्चिममा १४ हजार बढी बेरोजगार सूचीकृत भएका छन् ।

पालिकामा रोजगारी माग गर्दै १४ हजार २ सय ६६ जनाले फारम भरेका हुन् । प्रधानमन्त्री रोजगार कार्यक्रम, मुख्यमन्त्री रोजगार कार्यक्रम र नगर प्रमुख रोजगार कार्यक्रममा जोडिन उनीहरुले नाम दर्ता गराएका छन् । रुकुम पश्चिममा ६ वटै पालिकाले निश्चित समय तोकेर नाम दर्ता गराउन बेरोजगारहरुलाई समय दिएका थिए ।

तोकिएको समयमा आर्थिक वर्ष ०७७/०७८ का लागि उनीहरुले फारम भरेका छन् । रोजगारीका लागि सङ्घीय सरकारले दुई चरणमा बजेट पठाइसकेको छ । युवा स्वरोजगार कार्यक्रम र कामका लागि पारिश्रमिक कार्यक्रमका लागि भन्दै झण्डै सवा ७ करोड बजेट प्राप्त भएको छ ।

युवा रोजगार कार्यक्रमका लागि ३ करोड १० लाख २० हजार र कामका लागि पारिश्रमिक अन्तर्गत ४ करोड १ लाख ६५ हजार गरी ७ करोड ११ लाख ८५ हजार बजेट आउने निश्चित भएको हो । रोजगारसम्बन्धी कार्यविधिमा बेरोजगारलाई कम्तीमा सय दिनसम्मको रोजगारी दिने व्यवस्था छ ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्