एसिया कप छनौट : नेपाली टोलीमा दुई अनुभवी खेलाडीले कमब्याक गर्ने सम्भावना

साउन ३१, २०७५ बिहीबार १९:१६:३५ | उज्यालो सहकर्मी

काठमाडौं – आसन्न एसिया कपको छनोट प्रतियोगिताका लागि नेपाली राष्ट्रिय क्रिकेट टिम यतिबेला बन्द प्रशिक्षणमा छ ।

यसपटकको टिममा दुई अनुभवी खेलाडीले कमब्याक गर्नसक्ने प्रवल सम्भावना रहेको छ । भरपर्दा खेलाडी शरद भेषावकर चोटका कारण टिममा छैनन् भने शक्ति गौचनले यसअघि नै नेदरल्याण्ड्ससँगको खेलपछि विदेशी मैदानमा नखेल्ने घोषणा गरिसकेका छन् ।

यस्तो अवस्थामा नेपाली क्रिकेट टिममा फेरि एकपटक विनोद भण्डारी र सागर पुनको पुनरागमन हुने प्रवल सम्भावना देखिएको छ । मलेसियाको मैदानमा नेपालले एकजना अतिरिक्त स्पिनरलाई राख्नसक्ने भएकाले सागर पुन अलराउन्डरका रुपमा टिममा पर्न सक्नेछन् ।

पछिल्लो समय मलेसियामा व्यावसायिक क्रिकेट खेलेर तीन वटा सतक प्रहार गरेका सागरले आफ्नो पुरानो लयलाई समातेको प्रमाणित गरेका छन् । जसकाकारण उनलाई १९ खेलाडीको सूचीमा राखिएको पनि छ ।

यता एमसीसी र नेदरल्याण्ड्सबीचको खेलका लागि बन्द प्रशिक्षणमा परे पनि अन्तिममा अतिरिक्त खेलाडीमा परेका विनोद यसपटक टिममा पर्ने सम्भावना बलियो छ किनकी शरद नभएको अवस्थामा फिनिसरका रुपमा विनोदले मौका पाउन सक्नेछन् ।

यतिमात्र होइन, विनोद विकेटकिपर अनिलकुमार साहलाई रिप्लेस गर्न पनि सक्नेछन् । पछिल्ला दुई खेलमा अनिलको फर्म राम्रो देखिएको थिएन । उनले दुई खेलमा मात्र २५ रन बनाएका थिए । यस्तै युवा खेलाडी रोहित पौडेलले पनि नेदरल्याण्ड्स विरुद्ध एक खेलमा मौका पाए पनि राम्रो खेल्न सकेका थिएनन् । त्यसैले पनि विनोद र सागरको टिममा कमब्याक गर्ने सम्भावना बलियो देखिएको छ ।

एसिया कप छनोटका लागि नेपाली टिम पछिल्लो ३ दिनदेखि बन्द प्रशिक्षणमा रहेको छ । शनिबारसम्म टिमको अन्तिम नामावली पनि आउन सक्नेछ ।

यसपटक एसिया कपमा पहिलो हुँदै फाइनल चरणका लागि छनोट हुने बलियो सम्भावना बोकेको नेपाली टिमलाई ठूलो अवसर त छँदै छ त्यसमा पनि चुनौति अरु टिमलाई हराउनु रहेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्