एसियाली खेलकुदमा फेरि हार्‍याे नेपाल, भियतनामसँग २–० ले पराजित

साउन ३१, २०७५ बिहीबार १९:४२:२५ | उज्यालो सहकर्मी

एसियन गेम्स अन्तर्गत पुरुष फुटबलमा नेपालले लगातार दोस्रो हार व्यहोरेको छ । हारसँगै नेपालको दोस्रो चरणमा प्रवेश गर्ने सम्भावना न्यून रहेको छ ।

इन्डोनेसियाको सिकाराङमा भएको खेलमा नेपाल भियतनामसँग दुई–शून्य गोलले पराजित भयो । पहिलो खेलमा जापानसँग एक–शून्यले पराजित भएको नेपालले भियतनामसँग राम्रो खेल्न सकेन । पहिलो आधा घण्टा नेपालले विपक्षीलाई गोलरहित बराबरीमा रोकेको थियो । तर ३४ औं मिनेटमा भियतनामले खेलमा अग्रता बनायो ।

नेपाली डिफेन्सको कमजोरीका फाइदा उठाउँदै गुयन अनले गोल गर्न सफल भए । पहिलो हाफमा एक गोलले पछि परेको नेपालले दोस्रो हाफमा पनि खासै राम्रो खेल्न सकेन । त्यसका विपरित भियतनामले नेपालमाथि दबाब कायमै राख्यो । ६४ औं मिनेटमा फान भानले भियतनामका लागि गोल गर्दै अग्रता दुई–शून्यमा पुर्‍याए ।

त्यसपछि नेपाल खेलमा फर्कन सकेन । दोस्रो हाफको अन्तिमतिर नेपालले दुई वटा मुभ बनाए पनि गोल गर्न भने सकेन । यो हारपछि नेपाल नकआउटमा पुग्ने सम्भावना लगभग समाप्त भएको छ । अब नेपालले अन्तिम खेलमा पाकिस्तानसँग खेल्नेछ । त्यो खेलमा जित निकालेमा नेपाल उत्कृष्ट तेस्रो टिमका रुपमा नकआउट चरणमा पुग्ने सम्भावना बाँकी हुनेछ ।

यदि पराजित भएमा पाकिस्तानलाई त्यो मौका आउनेछ । यता पाकिस्तानले पनि लगातार दुई खेलमा हार व्यहोरिसकेको छ ।

-यसअघि नेपाल बाहिरियाे भन्ने खबर प्रकाशित भएकाेमा सच्चयाएका छाैँ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Angnima sherpa
Aug. 16, 2018, 8:07 p.m.
Every time losses news only, I prey some time I wish to hear of victory too
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एसियाली खेलकुदमा फेरि हार्‍याे नेपाल, भियतनामसँग २–० ले पराजित

फाइल फाेटाे

1 Comments

Angnima sherpa

तपाईको प्रतिक्रिया

तपाईको प्रतिक्रिया