कार्यकर्ताबीच झडप : घाइतेकाे थप उपचारका लागि रेफर, २ वडा अध्यक्षसहित ५ जना पक्राउ

माघ ७, २०७७ बुधबार ११:३१:८ | राजु लामिछाने

रुकुम – रुकुम पश्चिमको आठबिसकोटमा नेकपा (दाहाल–नेपाल समूह) र नेपाली काँग्रेसका कार्यकर्ताबीच भएको झडपको क्रममा घाइते १ जना वडा अध्यक्षसहित ३ जनालाई थप उपचारको लागि रेफर गरिएको छ ।

नगरपालकाको वडा नम्बर ९ का वडा अध्यक्ष तथा नेपाली काँग्रेसका कार्यकर्ता तारकबहादुर शाही, नेपाल विद्यार्थी संघका जिल्ला उपाध्यक्ष तेजबिक्रम आरसी र काँग्रेसका सक्रिय कार्यकता दिपक केसीलाई बुधबार बिहान थप उपचारका लागि कोहलपुर शिक्षण अस्पताल रेफर गरिएको हाे ।

मंगलबार राती जिल्ला अस्पताल सल्ले पुर्याइएका उहाँहरुको अवस्था गम्भीर भएपछि रेफर गरिएको आठबिसकोट नगरपालिकाका नगर सभापति कमल शाहले बताउनुभयो । घाइते शाहीको अनुहारमा, आरसीको टाउकोमा र केसीको ढाडमा गम्भीर चोट लागेको छ । घटनामा संलग्न ५ जनालाई प्रहरीले पक्राउ गरेको जनाएको छ ।

आठबिसकोट नगरपालिकाको वडा नम्बर ३ का वडा अध्यक्ष केशरमान बि.क., वडा नम्बर ८ का वडा अध्यक्ष मानबहादुर चनारासहित ५ जनालाई पक्राउ गरेकाे जिल्ला प्रहरी कार्यालय रुकुम पश्चिमले जनाएको छ । मंगलबार दिनभर झडप हुन थालेपछि स्थिति नियन्त्रणमा लिन प्रहरीले ३६ राउण्ड हवाई फायर समेत गर्नुपरेको थियो ।

जिल्ला प्रहरी कार्यालय रुकुम पश्चिमले ईलाका प्रहरी कार्यालय आठबिसकोटको कार्यालयमै झडप तथा तोडफोड भएको र १ जना प्रहरी सहायक निरीक्षक र २ जना प्रहरी जवान सामान्य घाइते भएको जनाएको छ । प्रहरीका अनुसार दुवै पक्षका कार्यकर्ता बीचको विवाद मिलाउन इलाका प्रहरी कर्यालयमा छलफल भइरहेको बेला वडा नम्वर ९ का वडा अध्यक्ष तारकबहादुर शाहीमाथि आक्रमण भएको थियो ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्