प्रचण्ड–माधव समूहले हाेटलमा सांसद बन्धक बनाएकाे ओली समूहकाे आराेप

‘अविश्वास प्रस्ताव दर्ता गर्ने सांसदहरू एकै ठाउँमा बस्ने संसदीय परम्परा कायममात्र राखिएकाे हाे’

माघ ९, २०७७ शुक्रबार १३:५३:५५ | हरि हुमागाईं

मकवानपुर – हेटौँडा उपमहानगरपालिका ५ को पिप्लेमा रहेको हेटौँडा रिसोर्टमा नेपाल कम्युनिस्ट पार्टी (नेकपा) को प्रचण्ड–माधव समूहले प्रदेश सभाका सदस्यहरुलाई बन्धक बनाएर राखेको नेकपाको ओली समूहले आरोप लगाएको छ ।

वाग्मती प्रदेशका मुख्यमन्त्री डोरमणि पौडेलका विरुद्धमा अविश्वास प्रस्ताव दर्ता गर्ने सांसदलाई बिहीवार (हिजो) देखि हेटौँडा रिसोर्टमा बन्धक बनाएको मुख्यमन्त्री निकटका सांसद दीपक निरौलाले आरोप लगाउनुभयो । त्यहाँ राखिएका सांसदहरुलाई कसैलाई भेट्नसमेत नदिएको र छलफल र बैठकको बहानामा बाहिर निस्कन पनि समूहमा मात्र थोरै समय निस्कन दिएको निरौलाले बताउनुभयो । सांसदलाई बन्धक बनाउँदा उनीहरुको मानव अधिकार हनन् भएको ओली समूहका सांसदहरुले बताएका छन् ।

वाग्मती प्रदेशका भौतिक पूर्वाधार ताथ विकास मन्त्री रामेश्वर फुयाँलले भने हेटौँडा रिसोर्टमा सांसदहरुलाई के–कस्तो अवस्थामा राखिएको छ सञ्चार जगतले सत्य कुरा बाहिर ल्याउनुपर्ने बताउनुभयो ।

यता प्रचण्ड समूहका संसदीय दलका उपनेतासमेत रहनुभएका प्रदेश सभाका सदस्य शालिकराम जम्कट्टेलले भने अविश्वास प्रस्ताव दर्ता गर्ने सांसदहरु एकै ठाउँमा बस्ने संसदीय परम्परा कायम मात्र राखिएको बताउनुभयो ।

उहाँले भन्नुभयो, ‘हामीहरुले संसदीय परम्पराअनुसार मुख्यमन्त्रीका विरुद्धमा अविश्वास प्रस्ताव दर्ता गर्ने सांसदहरु एउटै होटलमा बसेका हौँ । बन्धक बनाएका होइनौँ ।’ पहिले पनि आफुहरु सामूहिक रुपमा बस्ने गरेको र अहिले अविश्वास दर्ता गर्ने सबैजसो सांसदहरु एउटै होटलमा बसेको जम्कट्टेलले बताउनुभयो । ओली समूहका नेताहरुले पनि हेटौँडाको एभोेकाडो होटलमा सांसदलाई राखेको आफूहरुको जानकारीमा आएको र यहाँसँगै बस्दा बन्धक बनाएको भन्न नमिल्ने उहाँले बताउनुभयो ।

हेटौँडा रिसोर्टमा रहेका सांसदलाई भेट्नसमेत नदिएको बताउँदै ओली समूहका प्रदेश सभाका सदस्य निरौला भन्नुहुन्छ, ‘हेटौँडा रिसोर्टमा सुविधा सम्पन्न जेलमा राखिएको हो । यो भने सांसदलाई राख्ने नयाँ प्रकारको जेल नै हो । पहिलेका सङ्घीय सांसदलाई जस्तै गरी सांसद किनबेचको शृङ्खलासमेत सुरु भइसक्यो ।’

प्रचण्ड र ओली समूहका ४५ जना सांसदले मुख्यमन्त्रीका विरुद्धमा अविश्वास प्रस्ताव दर्ता गरेका छन् । यसपछि कसले बहुमत पुर्‍याउन सक्ने भन्ने रस्साकस्सी सुरु भएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

1 Comments

Bamdev Subedi
Jan. 22, 2021, 8:36 p.m.
"सांसद किनबेच हुने स्थिति आएकाले प्रतिनिधि सभा विघटन : प्रधानमन्त्री" को समाचार र "प्रचण्ड–माधव समूहले हाेटलमा सांसद बन्धक बनाएकाे ओली समूहकाे आराेप" समाचार पढ्दा कतै "हेटौँडा रिसोर्टमा रहेका सांसदलाई" खुला मार्केटमा छोडिदिनु पर्यो भन्ने आसय त होइन ? होइन भने एभोकादो चाहि होटेल हुने , हेटौडा रिसोर्ट के जेल हो र ?
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रचण्ड–माधव समूहले हाेटलमा सांसद बन्धक बनाएकाे ओली समूहकाे आराेप

‘अविश्वास प्रस्ताव दर्ता गर्ने सांसदहरू एकै ठाउँमा बस्ने संसदीय परम्परा कायममात्र राखिएकाे हाे’

1 Comments

Bamdev Subedi

तपाईको प्रतिक्रिया

तपाईको प्रतिक्रिया