यो सिजनको आईपीएलमा कस्ता रेकर्ड बने, के–के रोचक भए ?

जेठ १६, २०७५ बुधबार २०:१८:४८ | उज्यालो सहकर्मी

जेठ १६ – इन्डियन प्रिमियर लिग (आईपीएल) २०१८ को फाइनलमा पछिल्लो १० वर्षमा नभएको रेकर्ड कायम भएको छ ।

चेन्नई सुपर किंग्सले सनराइजर्स हैदराबादलाई यो सिजनमा चार पटक हरायो । चेन्नई र हैदराबाद दुई पटक लिग चरणमा प्रतिस्पर्धा गरे भने एक पटक प्लेअफमा अनि एक पल्ट फाइनलमा ।

गोल्डेन ब्याट

१७ म्याचमा ८ अर्धशतक र ५२.२० को औसतमा ७३५ रन बनाउने केन विलियम्सन आईपीएलको यो संस्करणमा सर्वाधिक रन बनाउँदै गोल्डेन ब्याटको विजेता बने । यो सिजनमा सर्वाधिक अर्धशतक पनि केन विलियम्सनले नै बनाए ।

विलियम्सनपछि दिल्लीका ऋषभ पन्त ६८४ रनका साथ दास्रो, पञ्जाबका के एल राहुल ६५९ रनसहित तेस्रो, चेन्नईका अम्बाती रायडू ६०२ रनका साथ चौथो र चेन्नईकै शेन वाटशन ५४८ रनसहित पाँचौं स्थानमा रहे ।

टिममा सर्वाधिक रन

टिमले पूरा प्रतियोगिताभर बनाएको रनमध्ये सर्वाधिक रनको योगदान दिने हिसाबले पञ्जाबका लोकेश राहुलले २९.८२ प्रतिशतसहित पहिलो स्थानमा रहे भने दिल्लीका ऋषभ पन्त २९.१९ प्रतिशतका साथ दोस्रो स्थानमा रहे ।

५ शतक

यो सिजनमा जम्मा पाँच शतक बनाइए । चेन्नईका शेन वाट्सनले मात्र दुई शतक बनाए । उनीबाहेक क्रिश गेल, अम्बाती रायडू र ऋषभ पन्तले पनि एक–एक शतक बनाए ।

सबैभन्दा ठूलो इनिङ

सबैभन्दा ठूलो इनिङ दिल्लीका ऋषभ पन्तको रह्यो । उनले हैदराबादविरुद्ध ६३ बलमा १२८ रन बनाएका थिए ।

सबैभन्दा बढी छक्का

सबैभन्दा बढी छक्का दिल्लीका ऋषभ पन्तले प्रहार गरे । उनको नाउँमा ३७ छक्का रह्यो । दोस्रोमा ३५ छक्कासहित शेन वाट्सन र ३४ छक्कासहित अम्बाती रायडू तेस्रो स्थानमा रहे । सर्वाधिक चौका प्रहार गर्नेमा ऋषभ पन्त ६८ चाैकासहित पहिलो, ६६ चाैकासहित के एल राहुल दोस्रो र ६४ चाैकासहित केन विलियम्सन तेस्रो स्थानमा रहे ।

चेन्नईका कप्तान महेन्द्रसिंह धोनीले १५ खेलमा ७५.८३ को औसतका साथ ४५५ रन बनाउँदै उत्कृष्ट खेल प्रदर्शन गरे । उनको रन औसत अन्य खेलाडीहरुको भन्दा अब्बल रह्यो ।

गोल्डेन बल

किंग्स इलाभेन पञ्जाबका एण्ड्रयु टाइले १८.६६ को औसतमा सर्वाधिक २४ विकेट लिँदै गोल्डेन बल प्राप्त गरे । उनीभन्दा पछि हैदराबादका रशिद खान र सिद्धार्थ कौलले समान २१–२१ विकेट लिएका थिए ।

बेष्ट बलिङ फिगर

प्रतियोगिताभरकै सबैभन्दा राम्रो बलिङ फिगर चेन्नईका लु‌गी एनगिडीकाे नाममा रह्यो । उनले पञ्जाबविरुद्ध ४ ओभरमा १० रनमात्र दिएर चार विकेट लिएका हुन् । उनकाे बलिङ इकाेनाेमी रेट २‍ दशमलब ५० रह्याे ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्