सुदूरपश्चिम प्रदेश सभाको हिउँदे अधिवेशन सुरु : बलात्कारकाे घटनामा सरकार गम्भीर देखिएन : सांसद

माघ २६, २०७७ सोमबार १९:२७:५५ | सीताराम ओझा

कैलाली – सुदूरपश्चिम प्रदेश सभाको हिउँदे अधिवेशन सोमवारदेखि सुरु भएको छ । बजेट अधिवेशन अन्त्य भएको ६ महिनापछि प्रदेश सभाको बैठक सुरु भएको हो । ६ महिना बित्नै लाग्दा सोमबार आह्वान गरिएको प्रदेश सभाको सातौँ अधिवेशनको प्रथम बैठकमा बोल्दै प्रदेश सभा सदस्यहरूले बलात्कारकाे घटनालाई सरकारले गम्भीरताका साथ नलिएको भन्दै आक्रोश व्यक्त गरेका छन् ।

बैतडीबाट निर्वाचित प्रदेश सभा सदस्य नेता लीलाधर भट्टले बैठकको सुरुमै आफ्नो बेञ्चबाट बोल्दै घटनाको अनुसन्धान तथा छानबिनप्रति प्रदेश सरकारले ध्यान नदिएको भन्दै विरोध जनाउनुभयाे । घटना घटेको ६ दिन बित्दासमेत प्रदेश सरकारका प्रतिनिधिहरू पुग्न नसक्नुका साथै विज्ञप्ति निकाल्नसमेत नसकेको उहाँको भनाइ थियो ।

बैठकको विशेष समयमा नेकपाका प्रमुख सचेतक तारा लामा तामाङले भागरथी प्रकरणको अनुसन्धान नितान्त केन्द्रीय सरकारमा निहित देखिएको बताउनुभयाे । सबै अधिकार आफ्नै हातमा लिएकाले बलात्कारका घटना दिन प्रतिदिन बढिरहेको र अपराधीहरू खुलेआम घुमिरहेको भन्दै गुनासाे गर्नुभयाे ।

नेपाली काँग्रेसको संसदीय दलका नेता डाक्टर रणबहादुर रावलले पनि घटना घटेको ६ दिन बित्दासमेत घटनाबारे सत्य/तथ्य बाहिर नआएकाे भन्दै दुःख व्यक्त गर्नुभयाे । निर्मला पन्त बलात्कार तथा हत्या प्रकरणमा जस्तै अहिले भागरथी प्रकरणमा पनि सरकार चुकिरहेको भन्दै उहाँले सुदूरपश्चिम प्रदेश बलात्कारीहरूले दिन प्रतिदिन प्रशय पाउने ठाउँ जस्तै बनेको भन्दै आक्राेश पोख्नुभयाे ।

प्रदेश सरकार तथा सङ्घीय सरकार अहिले सभा, समारोहमै व्यस्त भएको रावलको भनाइ थियो । जनता समाजवादी पार्टीको संसदीय दलको नेता कृष्णबहादुर चौधरीले पनि बैतडी घटनामा संलग्नलाई चाँडै कानुनी दायरामा ल्याउन माग गर्नुभयाे ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सुदूरपश्चिम प्रदेश सभाको हिउँदे अधिवेशन सुरु : बलात्कारकाे घटनामा सरकार गम्भीर देखिएन : सांसद

फाइल तस्बिर

तपाईको प्रतिक्रिया