लमजुङका किसानलाई कोदो रोप्ने चटारो (फोटोफिचर)

भदौ ३, २०७५ आइतबार ११:५७:५ | श्यामशितल परियार

लमजुङ – ऐसेलुचौरकी सुनिता तामाङलाई पाखो बारीमा कोदो रोप्ने चटारो छ । बारीको मकै थन्काइ सक्दा नसक्दै ब्याडमा कोदोको बीउ हुर्किदै गएपछि कोदो रोप्न भ्याइनभ्याइ भएको उहाँले बताउनुभयो ।

खेतीपाती गर्ने किसानहरुलाई अहिले खेताला नपाउने समस्या झन् झन् बढीरहेको उहाँ बताउनुहुन्छ ।

‘खेताला पाउनै मुश्किल छ, पाइहाले ज्याला महँगो, उहाँले भन्नुभयो, ‘तैपनि बारी बाँझै राख्न भएन त ।’ अहिले रोपाहारलाई ५ सय र कोदालेले ९ सय रुपैयाँ ज्याला दिनुपर्छ ।

सुनिता जस्तै ऐसेलुचौरकै आइतीमाया तामाङलाई पनि अहिले बारीमा कोदो रोप्न भ्याइनभ्याई छ ।

आइतीमायाले चाहिँ खेताला नपाएपछि अर्मपर्म गरेरै कोदो रोपिरहेको बताउनुभयो ।

आकर्षण घट्दो

कोदो खेती प्रति लमजुङमा आकर्षण घट्दो रहेको ग्रामीण भेगका बासिन्दा बताउँछन् । गाउँमा खेतीपाती गर्ने मान्छे छैनन् । धेरैजसो युवा विदेश गएको तथा गाउँ छोडेर शहरतिर बस्ने क्रम बढ्दै गएकाले पनि खेती गर्नेहरु घटेका हुन् ।

लमजुङकोे इलमपोखरी, नौथर, पाचोक, गौँडा, नाल्मालगायतका धेरैजसो ग्रामिण क्षेत्रका कोदो खेती हुने गरेपनि बर्सेनि बारी बाँझै रहने क्रम बढेको स्थानीय बासिन्दा बताउँछन् ।

पुरानै बीउ र परम्परागत ढंगले कोदो खेती गर्नाले पनि लमजुङमा तुलनात्मक रुपमा कोदोको उत्पादन बढ्न सकेको छैन ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्