दलाल हटाएर जिल्लामै म्यानपावरको शाखा विस्तार गर्ने तयारी

 भदौ ३, २०७५ आइतबार १२:१८:१४ | सन्जिता देवकोटा

काठमाडौं – सरकारले म्यानपावरलाई जिल्लास्तरमै शाखा विस्तार गर्न दिने तयारी थालेको छ । म्यानपावरका देशैभरी रहेका दलाल अर्थात एजेन्टलाई खारेज गर्दै शाखा विस्तार गर्न दिने गरी तयारी भैरहेको श्रम रोजगार तथा सामाजिक सुरक्षा मन्त्रालयले जनाएको छ ।

नेपाल ऐन संशोधन गर्न बनेको विधेयकमा वैदेशिक रोजगार ऐनअन्तर्गत दलाल राख्न पाउने कानुनी प्रावधान नै हटाउने प्रस्ताव गरिएको छ । वैदेशिक रोजगारीमा ठगी बढ्नुको प्रमुख कारणमध्ये दलाल पनि एक भएको ठहर गर्दै सरकारले वैदेशिक रोजगार ऐन संशोधन गर्न लागेको हो ।

मन्त्रिपरिषदमा विचाराधीन यो ऐन संसदबाट पारित भयो भने देशभर रहेका म्यानपावरका दलालहरु खारेज हुनेछन् ।

वैदेशिक रोजगार विभागबाट अनुमति लिएरै अहिले दशैभरी १६२ जना दलालहरु छन् भने काठमाडौं बाहिर विभिन्न ठाउँमा दलालले ३५ वटा म्यानपावर शाख सञ्चालन गरेका छन् । 

यी हुन वैदेशिक रोजगार विभागमा अनुमति लिएका दलाल (एजेन्ट)हरु

पछिल्लो समय दलालबाट ठगी भएका घटना बढिरहेको छ । विभिन्न समयमा गरिएको अध्ययन प्रतिवेदनले पनि दलालमार्फत विदेश कमाउन जाने सोझा युवा ठगीमा परेको देखाएको छ । यसकै आधारमा दलाल खारेज गर्ने प्रस्ताव गरिएको मन्त्रालय स्रोतले जनाएको छ । 

विभागमा अनुमति लिएरै सञ्चालनमा आएका दलालसँगै अनुमति नै नलिई गाउँ पुगेका अरु दलालका कारण पनि युवाहरु ठगीमा पर्ने गरेका छन् । वैदेशिक रोजगार विभागमा दैनिक चार वटासम्म ठगीको उजुरी पर्ने गरेको सूचना अधिकारी उद्धवप्रसाद रिजालले जानकारी दिनुभयो ।

उहाँका अनुसार साउन महिनामा मात्रै ८८ वटा व्यक्तिगत र एक सय १५ वटा संस्थागत उजुरी परेको छ । त्यस मध्येमा व्यक्तिगत रुपमा परेका ८८ वटामध्ये १५ वटा र संस्थागत रुपमा परेका एक सय १५ मध्ये ६८ वटा उजुरीको सुनुवाई भएको रिजालले जानकारी दिनुभयो ।

तर यसरी उजुरी गर्ने सबैको गुनासो सम्बोधन हुन सक्दैन । किनकी दलालबाट ठगीएका धेरै जसो युवासँग कुनै कानुनी प्रमाण हुँदैन । त्यसैले ठगीमा परेका युवाले न्याय पाउन पनि कठिन छ । 

अहिले कानुनमै म्यानपावरका लागि दलाल राख्न पाउने प्रावधान छ । त्यसैले पछिल्लो समय दलालका कारण बढेको ठगीलाई सधैंका लागि अन्त्य गर्ने प्रयास भएको हो ।

यसअघि नयाँ ऐनको मस्यौदा गर्न बनेको समितिले पनि लाइसेन्स प्राप्त र अदृश्य रुपमा बढेका अरु दलाल कायम नराख्न सिफारिस गरेको थियो । 

दलाल खारेज गर्न वैदेशिक रोजगार व्यवसायी संघको पनि पत्र 

दलालले सरकारबाट लाइसेन्स दिन दुई लाख रुपैयाँ धरौटी राख्नु पर्ने कानुनी प्रावधान छ । यसरी दुई लाख रुपैयाँ धरौटी राखेर दिएको लाईसेन्स दलालहरुलाई सरकारले नै ठगी गर भनेर दिएको अनुमति सरह भयो भन्ने गुनासो छ । 

दलालका कारण ठगी बढ्न थालेपछि वैदेशिक रोजगार व्यवसायी संघले पनि सरकारलाई दलाल खारेज गर्न पत्र लेखेको थियो । दलालको ठगीले आफूहरु बदनाम भएको भन्दै संघले सरकारलाई म्यानपावरका सबै दलाल खारेज गर्न भनेको थियो ।

उता सुरक्षित आप्रवासनका क्षेत्रमा काम गर्नेहरुले पनि दलाललाई सरकारले नै लाईसेन्स दिनु गलत भएको बताउँदै आएका छन् ।

सातै प्रदेशमा श्रम कार्यालय र म्यानपावर शाखा विस्तारको प्रस्ताव  

सरकारले दुई महिना भित्र सातै प्रदेशका ११ स्थानमा श्रम कार्यालय खोल्ने तयारी पनि थालेको छ । श्रम, रोजगार तथा सामाजिक सुरक्षा मन्त्रालयले उपत्यका बाहिरका सबै प्रदेशमा श्रम कार्यालय खोल्ने निर्णयका लागि गएको आर्थिक वर्षको वैशाख महिनामा नै मन्त्रिपरिषद् बैठकमा प्रस्ताव पेस गरेको थियो ।

गएको साउन २० गते बसेको मन्त्रिपरिषद् बैठकले सबै प्रदेशमा श्रम कार्यालय स्थापना गर्ने प्रस्तावलाई पारित गरेपछि  दुई महिनाभित्रै सातै प्रदेशबाट श्रम स्वीकृति वितरण गरिने मन्त्रालयले जनाएको छ ।

सातै प्रदेशमा श्रम कार्यालय खुल्ने र म्यानपावर शाखा पनि विस्तार हुने भएपछि दलालको आवश्यकता हुँदैन । आफ्नै ठाउँमा म्यानपावर हुँदा युवालाई दलालका कुरामा अल्झिनुपर्ने बाध्यता पनि हट्नेछ । यसबाट वैदेशिक रोजगारीको क्रममा हुने ठगी कम हुने विश्वास लिइएको छ । 
  

 

अन्तिम अपडेट: मंसिर ६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्जिता देवकोटा

उज्यालोमा कार्यरत सन्जिता देवकोटा वैदेशिक रोजगार र नेपाली महिलाका बिषयमा कलम चलाउनुहुन्छ ।  

1 Comments

  • Ramesh Prasad Chaudhary

    Aug. 19, 2018, 7:55 p.m.

    Hi Dear All Present time I am working Al Tanmyan services company. My Ajent said you are going to direct company and very good company but here is supply company. I paid Rs.1,10,000/ in my Ajent.

  •  0 Reply

तपाईको प्रतिक्रिया

समाचार

लोकप्रिय

१

धरहरा चढ्नका लागि मूल्य निर्धारण

२

युक्रेनमा प्रहार गरेको अस्त्र आणविक हतियार बोक्न सक्षम छ : रुस

३

अमेरिकी खर्बपति एलन मस्कसँग प्रधानमन्त्री ओलीको भर्चुअल संवाद

४

पाकिस्तानमा धार्मिक हिंसा भड्किँदा कम्तीमा ३२ जनाको ज्यान गयो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई