संसद् छाडेर हिँडेकाे हाेइन, अध्यादेश पेस गर्ने एजेण्डा बहिष्कार गरेकाे हाे : प्रचण्ड

केपी ओली सरकारकाे आयु सकियाे : माधवकुमार नेपाल

फागुन २३, २०७७ आइतबार २०:१९:३८ | उज्यालो सहकर्मी

काठमाण्डाै – नेपाल कम्युनिस्ट पार्टी (नेकपा) काे प्रचण्ड–माधव समूहका अध्यक्ष पुष्पकमल दाहालले संसद् बहिष्कार नभइ सरकारले ल्याएको एजेण्डा बहिष्कार गरेको बताउनुभएको छ ।

प्रतिनिधि सभा बैठक छाडेर बाहिर निस्कँदै गर्दा सङ्घीय संसद् भवनमा सञ्चारकर्मीसँग अध्यक्ष दाहालले संसदको नभइ अध्यादेश पेस गर्ने एजेण्डाको विरोध गरेको प्रतिक्रिया दिनुभएको हो । असंवैधानिक, अनैतिक र अलोकतान्त्रिक सरकारलाई अध्यादेश ल्याउने अधिकार नभएकाले अध्यादेश पारित गराउने एजेण्डा बहिष्कार गरेकाे उहाँले बताउनुभयो ।

सर्वोच्च अदालतको फैसलाले सरकार कसको हो भन्ने द्विविधा सिर्जना गरेको पनि उहाँले उल्लेख गर्नुभयो । उहाँले कानुन व्यवसायीसँग छलफल गरी स्थायी कमिटी बैठक बसी आउँदाे रणनीति तय गरिने स्पष्ट पार्नुभयो । उहाँले भन्नुभयो, संसद् छाडेर हिँडेको होइन । एउटा एजेण्डा जो सरकारसँग सम्बन्धित थियो, त्यसको बहिष्कार गरेको हो ।

नेकपाका अर्का अध्यक्ष माधवकुमार नेपालले सरकारको आयु सकिएको दाबी गर्नुभयो । उहाँले पूर्वमाओवादीले समर्थन फिर्ता लियो भने पनि सरकार टिक्ने आधार नभएकाले केपी शर्मा ओलीलाई प्रधानमन्त्रीको रूपमा बस्ने कुनै अधिकार नभएको दाबी गर्नुभयो ।

जनता समाजवादी पार्टी नेपालका अध्यक्ष बाबुराम भट्टराईले सर्वोच्च अदालतको फैसलाले थप अन्याेल सिर्जना गरेको बताउनुभयो । सरकारले बहुमत गुमाएको भन्दै उहाँले नयाँ सरकार गठनको प्रक्रिया स्वतः अगाडि बढ्नुपर्ने बताउनुभयो ।

अध्यक्ष भट्टराईले आफ्नो पार्टीले सरकारको दाबी नगर्ने र सत्ताको खेलमा नरहेको बताउनुभयो ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्