डाक्टर देवकोटाको निधनपछि क्यान्सर पीडितमा चिन्ता, अात्मविश्वासकाे खाँचाे

भदौ ४, २०७५ सोमबार ८:५०:४२ | बेदानन्द जाेशी

वरिष्ठ न्युरो सर्जन डा. उपेन्द्र देवकोटाको निधन हुँदा रुपन्देहीकी बिमला शाही (नाम परिवर्तन) नेपाल क्यान्सर अस्पतालमा स्तन क्यान्सरको किमो लिइरहनुभएको थियो । क्यान्सरका कारण डा. देवकोटाको निधन भएको थाहा पाएपछि उहाँलाई डर लाग्यो । आफू पनि छिटै मरिने हो कि भन्ने चिन्ता भयो ।

उहाँ दिनदिनै मानसिक रुपमा ग्रसित हुँदै जानुभयो । औषधीको प्रयोग गरिरहँदा पनि उहाँको अवस्था जटिल बन्दै गयो । त्यतिबेला उहाँलाई लागेको थियो, डाक्टर जस्ता मान्छे त क्यान्सर लागेर मरे, भने म को हो र ?

उहाँले भन्नुभयो, ‘अस्पतालका स्टाफहरुले राम्रो परामर्श नदिएको भए शायद मलाई चिन्ताले नै चितामा पुर्याउने थियो होला ।’ डाक्टरहरुको माया र साथले अहिले आफू रोगबाट निको भएको उहाँ बताउनुहुन्छ ।

भक्तपुरका ५२ वर्षीय सुनिल डंगोललाई पनि यस्तै भयो । घाँटीको क्यान्सरको उपचार गराइरहेको बेला डा. देवकोटाको निधनले आफ्नो पनि बाँच्ने आशा गुमेको उहाँ बताउनुहुन्छ ।

त्यतिबेला भारतको राजिब गान्धी अस्पतालमा उपचार गराइरहेका डंगोललाई पनि डाक्टर जस्ता मान्छे त विदेशमा उपचार गराएर पनि निको नभई मरे भने आफू को हो र भन्ने लागेको थियो । तर डाक्टर तथा आफन्तहरुले राम्ररी सम्झाइ बुझाई गरेपछि र आफूले पनि हिम्मत नहारी निरन्तर उपचार गराएपछि सञ्चो भएको बताउनुहुन्छ ।

धेरै क्यान्सर रोगीले यसैगरी मनमा डर र आशंका लिने गरेको नेपाल क्यान्सर अस्पतालकी निर्देशक स्वरुपा श्रेष्ठ बताउनुहुन्छ । अस्पतालमा आउने ४० प्रतिशत बिरामीहरुले डाक्टर देवकोटा जस्ता मान्छे त क्यान्सर लागेर मरे भने हामी त को हो र भन्नेजस्ता प्रश्न गर्ने गरेको वरिष्ठ क्यान्सर चिकित्सक डा. सुदिप श्रेष्ठ बताउनुहुन्छ ।

क्यान्सर रोगीहरुमा बढ्ने अस्वभाविक चिन्ताले मानसिक असन्तुलन हुँदा उपचार प्रभावकारी नहुने भएकाले प्रत्येक क्यान्सर अस्पतालमा राम्रो परामर्शको व्यवस्था गरिनुपर्ने वरिष्ठ क्यान्सर चिकित्सक डा. हरिप्रसाद ढकाल बताउनुहुन्छ । क्यान्सरबाट सन्चो भएका व्यक्तिहरुसँग पनि अन्तरक्रिया गराउँदा क्यान्सर पीडितहरुमा रोग निको हुन्छ भन्ने आत्मविश्वास बढ्ने भएकाले उपचार झनै प्रभावकारी हुने उहाँले बताउनुभयो ।

क्यान्सर जितेका काठमाडौं जयबागेश्वरीका ७२ वर्षीय ताराप्रसाद त्रिपाठी पनि आत्मविश्वासले क्यान्सर निको हुन महत्वपूर्ण भूमिका खेल्ने बताउनुहुन्छ । वि.स.२०६२ सालमा उहाँलाई ढाडमा क्यान्सर लागेको रहेछ । तर डाक्टरले उहाँको क्यान्सर तेस्रो तहमा पुगिसकेपछि वि.सं.२०६५ मा मात्र पत्ता लगाए ।

आत्मविश्वासले आफूलाई निको बनाएको क्षण सम्झदै त्रिपाठीले भन्नुभयो, ‘त्यतिबेला मनमा एकदमै छटपटी हुँदोरहेछ, अब आफू बाँिचन्न कि भन्ने डर लाग्दो रहेछ, तर डाक्टरहरुको परामर्श, साथीभाइको माया र आफूमा आत्मविश्वास भए यो रोगलाई जित्न सकिने रहेछ ।’

क्यान्सर भएपछि यसको प्रति असरसँग लड्नुपर्दा र पैसा, आफ्नो काम तथा भविष्यको बारेमा चिन्ता लिंदा तनाव बढ्ने डाक्टरहरु बताउँछन् । यसले गर्दा बिरामी झनै गलेको महसुस गर्ने र रोगप्रतिरोधात्मक क्षमतामा ह्रास आउने भएकाले बिरामीलाई यो अवस्थामा अत्यधिक परामर्शको आवश्यकता पर्ने नेपाल क्यान्सर अस्पतालका कन्सल्टेन्ट मेडिकल अन्कोलोजिस्ट डा.सचिन शाक्यले बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बेदानन्द जाेशी

उज्यालाेमा कार्यरत बेदानन्द जाेशी वैदेशिक रोजगारी र समसामयिक विषयमा कलम चलाउनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्