आकाशे पानी माग्दै सुँगुर पूजा

फागुन २६, २०७७ बुधबार १८:१२:३६ | राजु लामिछाने

रुकुम पूर्व – मठ, मन्दिर, चर्चलगायतका धार्मिक स्थलमा पूजा गरेर आफूले चाहेकाे कुरा मागेको सुन्दै आएको हो । सुँगुरको पूजा गरेर आकाशे पानी मागेको सुन्दा भने आश्चर्य लाग्न सक्छ । तर रुकुम पूर्वको मगर बस्तीमा भने आकाशे पानीको भरमा खेतीपाती गर्दै आएका किसानले खडेरी परेपछि सुँगुर पूजा गर्दै पानी मागेका छन् ।

सिँचाइ सुविधा नपाएका जिल्लाका किसानले आकाशे पानी मागेका हुन् । खडेरीमा सिँचाइका लागि आकाशे पानी माग्ने पुस्तौँदेखिको चलन अहिले पनि कायमै छ । रुकुम पूर्वमा अहिले हिउँदे बाली जौ र गहुँ छरिएकाे छ। सिँचाइ सुविधा नभएकाले लामो समयसम्म खडेरी भएपछि स्थानीयले परम्पराअनुसार आकाशे पानी मागेका हुन् ।

मगर बस्तीमा परम्परादेखि खडेरीको बेला उच्च भेगमा पानीको मुहानसम्म पुगेर नाचगान तथा होहल्ला गरेर फर्किने चलन छ । हाेहल्ला गर्दा भूमि देवता अशान्त भएर वर्षा गरिदिने जनविश्वास रहेको छ ।

पुथा उत्तरगङ्गा १० तकसेरामा गोठालो समूहको निर्णयले बुधवार बिहानै भूमि देवतासँग पानी माग्न वृद्धवृद्धा, युवायुवती पानीको मुहान–मुहानमा होहल्ला गरी पूजा गरेका हुन् । पानी माग्ने दिन केही त्यस्तै शब्द बोल्दा कोही पनि रिसाउन नपाउने गोठालो समूहका अध्यक्ष विष्णु बुढामगरले बताउनुभयो ।

यी समुदायले अरू समय फोहर वा जुठो हुन्छ भनेर सुँगुरको मासु लेकतिर लैजाँदैनन् तर पानी नपर्दा झण्डै ३५ सय मिटर उचाइकाे भूभागमा पुगेर सुँगुरको पूजा गर्दछन् ।

लेकमा पूजा गरिसकेपछि केही तल झरेर पानीको अर्को मुहानमा सुँगुरको पूजा गरेर आकाशे पानी माग गर्ने चलन रहेकाे छ । खडेरी भएपछि बाजागाजासहित होहल्ला र मूल पानीमा सुँगुरको पूजा गरेपछि वर्षा हुने जनविश्वास रहेकाे अध्यक्ष बुढामगरले जानकारी दिनुभयो ।

आलु र मकै रोप्ने समय आएकाले आकाशे पानी नपरेपछि किसान चिन्तित भएका छन् । सरकारले सिँचाइ सुविधातर्फ ध्यान नदिएको किसानकाे गुनासाे छ ‌। तीन पालिका रहेकाे रुकुम पूर्वमा पुथा उत्तरगङ्गा र भूमे गाउँपालिकाका खाम भाषी मगर समुदायले लामो समयसम्म पानी नपरेपछि पानीको मूलमा सुँगुरको पूजा गरी आकाशे पानी माग्ने प्रचलन रहेको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्