‘गोरे’ले पोलेपछि आत्मसमर्पण गर्न बाध्य बनायो एसएसपी खत्रीलाई

जेठ १७, २०७५ बिहीबार १५:४६:८ | उज्यालो सहकर्मी

मोरङ, जेठ १७ – ३३ किलो सुन तस्करीमा संलग्न रहेको अभियोग लागेका प्रहरी वरिष्ठ उपरीक्षक श्याम खत्री आत्मसमर्पण गर्ने उदेश्यले केही दिनअघि मात्र भारतबाट काठमाडौं आएको खुलेको छ ।

स्रोतका अनुसार सुन तस्करीका मुख्य अभियुक्त चुडामणि उप्रेती ‘गोरे’ले अदालतमा बयान दिने क्रममा आफूलाई पोलेपछि खत्री आत्मसर्पण गर्ने उदेश्यले भारतबाट काठमाडौं आएका हुन् । बुधबार मोरङ पुगेका उनले बिहीबार जिल्ला अदालतमा आत्मसमर्पण गरेका हुन् ।

यसअघि सुन प्रकरणका अरु अभियुक्त पक्राउ पर्ने बेला खत्री बिदामा बसेका थिए । पक्राउ परेकाहरु थुनामा परेपछि उनी ढाडको उपचार गर्न भन्दै भारत गएका स्रोतको भनाई छ ।

एसएसपी खत्री बिहीबार जिल्ला अदालत मोरङमा आफै उपस्थित भएका हुन् । अहिले उनको बयान चलिरहेको छ । सुन काण्डका मुख्य अभियुक्त ‘गोरे’ले एसएपी खत्री सुन तस्करीका मुख्य सहयोगी भएको र उनले नै पैसा लिएर आफूहरुले विदेशबाट ल्याउने सुन विमानस्थल बाहिर पठाउन सहयोग गर्ने गरेको बयान दिएका थिए ।

प्रहरीको अन्तर्राष्ट्रिय सञ्जाल इण्टरपोलले खत्रीविरुद्ध डिफ्युज नोटिस जारी गरेको थियो ।

अन्तिम अपडेट: चैत ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्