रसुवा - रसुवामा गएराति टिप्पर दुर्घटना हुँदा दुई जनाको ज्यान गएको छ । 

रसुवाको कालीका गाउँपालिका-२ स्याउबारीमा भएको दुर्घटनामा गाउँपालिका-१ राम्चेका २५ वर्षीय गाडी चालक सागर तामाङ र उनका दाजु २७ वर्षीय ग्राङ प्राविका प्रधानाध्यापक राजेन्द्र तामाङको ज्यान गएको हो । 

जिल्ला प्रहरी कार्यालय रसुवाका अनुसार गएराति ११ बजेतिर राम्चेबाट बेत्रावती जाने क्रममा वाग्मती प्रदेश ०१-००६ ख १६८८ नम्बरको टिप्पर दुर्घटना भएको हाे ।​ 

दुर्घटना भएपछि दुई जनालाई रसुवा अस्पताल ल्याइएको थियो । उनीहरूको उपचारको क्रममा ज्यान गएकाे हाे ।

टिप्परमा कालीका गाउँपालिका-१ का वडाध्यक्ष मालफुर्पा तामाङसहित तीन जना रहेका प्रहरीले जनाएको छ । 

दुर्घटनापछि बेपत्ता भएका वडाध्यक्ष तामाङ खाेजीपछि फेला पर्नुभएकाे प्रहरी नायब उपरीक्षक देवेन्द्र पाण्डेले बताउनु भएकाे छ ।