माओवादी केन्द्रको स्थायी कमिटी बैठक बस्दै

 बैशाख ६, २०७८ सोमबार ८:३०:४६ | उज्यालो सहकर्मी
unn.prixa.net

काठमाण्डाै - नेकपा माओवादी केन्द्रको स्थायी कमिटी बैठक बस्दै छ ।

दिउँसो १ बजे पार्टी केन्द्रीय कार्यालय पेरिसडाँडामा बस्ने बैठकमा समसामयिक राजनीतिक विषय र पार्टी सङ्गठनबारेमा छलफल हुने नेता देव गुरुङले जानकारी दिनुभयो ।

बैठकमा सरकारलाई दिएको समर्थन फिर्ता तथा नयाँ समीकरणका बारेमा पनि छलफल हुनेछ । अदालतले नेपाल कम्युनिस्ट पार्टी नेकपाको एकता भङ्ग गर्दै एमाले र माओवादी केन्द्र ब्युँताइदिएपछि माओवादी केन्द्र नयाँ सरकार बनाउने कसरतमा जुटेको छ ।

यसका लागि माओवादी केन्द्रले नेपाली कांग्रेस र जनता समाजवादी पार्टी जसपासँग दिनहुँजसो छलफल गर्दै आएको छ ।  तर, माओवादी केन्द्रले सरकारबाट समर्थन फिर्ता नलिएको भन्दै कांग्रेस र जसपाले कुनै  पनि औपचारिक निर्णय गरेका छैनन् । 

अन्तिम अपडेट: बैशाख ६, २०७८

तपाईको प्रतिक्रिया