ब्राजिल फुटबल संघका पूर्व अध्यक्ष मरिनलाई चार वर्षको जेल सजाय

भदौ ७, २०७५ बिहीबार ६:१९:२५ | उज्यालो सहकर्मी

ब्राजिल फुटबल संघका पूर्व अध्यक्ष जोस मारिया मरिनलाई चार वर्षको जेल सजाय सुनाइएको छ ।

विश्व फुटबल महासंघको भ्रष्टाचार काण्डमा उनी पनि समावेश भएको भन्दै अमेरीकी अदालतले जोसलाई जेल सजाय सुनाएको हो ।

अमेरीकाका ब्रोकलिन जिल्ला अदालतले ८६ वर्षे जोसलाई फिफाको बिलियन डलर घोटालाको काण्डमा उनी पनि समावेश भएको बताएको छ । चार वर्ष जेलका साथै उनलाई एक दशमलव दुई मिलियन अमेरीकी डलर जरिवाना पनि लगाएको छ ।

यसका साथै अदालतले ३ दशलमव ३४ मिलियन डलर चुक्ता गर्न पनि भनेको छ । ब्राजिल फुटबल संघका पूर्व प्रमुख जोस गएको डिसेम्बर २२ मा फुटबलको नाममा अनियमितता गरेको र अनाधिकृत रुपमा सम्पति आर्जेको प्रमाणित गरेको थियो ।

फिफाको दुई सय मिलियन डलरको भ्रष्टाचार मुद्धमा जोसलाई जेल हाल्नुपर्ने भन्दै चौतर्फी आवाज उठेको थियो । पछिल्लो १३ महिना जेलसजाय बिताइसकेका जोसले कम्तिमा १० वर्ष सजाय पाउनुपर्ने बताइएको थियो । तर उनको स्वास्थ्य अवस्थाका कारण उनलाई जमानतमा रिहा पनि गराइएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्