धादिङमा वैशाख २१ देखि ३१ गतेसम्म निषेधाज्ञा

 बैशाख १९, २०७८ आइतबार १८:५९:५८ | सिताराम अधिकारी
unn.prixa.net

धादिङ – काेराेना भाइरसकाे सङ्क्रमण नियन्त्रणका लागि धादिङमा यही वैशाख २१ देखि ३१ गतेसम्म निषेधाज्ञा लगाइने भएकाे छ । 

पहाडी जिल्लामा कोरोना भाइरसका सक्रिय सङ्क्रमितको सङ्ख्या दुई सय नाघेपछि जिल्ला प्रशासन कार्यालयले जिल्ला काेभिड–१९ सङ्कट व्यवस्थापन (डीसीसीएमसी) केन्द्रको आइतवारको निर्णयअनुसार निषेधाज्ञा लगाउने जनाएकाे हाे । 

वैशाख २१ गते बिहान ६ देखि वैशाख ३१ गते राति १२ बजेसम्मका लागि निषेधाज्ञा लगाइने प्रमुख जिल्ला अधिकारी ज्ञानप्रसाद ढकालले बताउनुभयाे । 

नुवाकोटमा पनि वैशाख २१ देखि ३१ गतेसम्म निषेधाज्ञा लगाइने भएकाे छ । 

अन्तिम अपडेट: कात्तिक ११, २०७८

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ । 

तपाईको प्रतिक्रिया