इमरान खान प्रधानमन्त्रीमा निर्वाचित भएपछि पाकिस्तानी क्रिकेटमा हलचल, फेरिए क्रिकेट प्रमुख

भदौ ९, २०७५ शनिबार ६:५६:३४ | रासस

पाकिस्तानका क्रिकेट प्रमुख नजाम सेथीले राजीनामा दिएका छन् । पूर्व क्रिकेटर समेत रहेका इमरान खान नयाँ प्रधानमन्त्रीमा निर्वाचित भएपछि क्रिकेट प्रमुख सेथीले राजीनामा दिएका हुन् ।

सन् २०१३ मा भएको निर्वाचनमा पूर्वप्रधानमन्त्री नवाज शरीफको पक्षमा धाँधली गर्न सहयोग गरेको आरोप खानले सेथीलाई लगाएका थिए ।

सेथीलाई शरीफले पाकिस्तान क्रिकेट बोर्ड (पीसीबी)मा नियुक्त गरेका थिए । अध्यक्षका रुपमा उनको कार्यकाल सन् २०२० मा सकिने भए पनि उनले अहिले नै राजीनामा दिएका छन् ।

‘सहज तरिकाले काम गर्ने वातावरण नभएको र आफ्नो जिम्मेवारी पूरा गर्न गाह्रो हुने देखिएकाले मैले क्रिकेट बोर्डबाट राजीनामा दिने निर्णय गरेको हूँ’, सेथीले ट्वीटर मार्फत् सार्वजनिक गरेको राजीनामा पत्रमा उल्लेख छ ।

‘क्रिकेट बोर्डले आगामी दिनमा क्रिकेट टिमलाई अझ सशक्त बनाउदै राम्रो प्रस्तुतिका लागि वातावरण वनाइदिने छ भन्ने मैले विश्वास लिएको छु’, उनले भनेका छन् ।

प्रधानमन्त्री खानले सेथीको ठाउँमा अन्तर्राष्ट्रिय क्रिकेट परिषद्का पूर्व अध्यक्ष हसन मानीलाई नियुक्त गरिसकेका छन् । उनलाई नियुक्त गरेपछि खानले ट्वीटरमा लेखेका छन्, ‘मानीले आफ्नो काममा मूल्यवान् अनुभव र व्यापक परिवर्तन गराउनुहुने छ ।’

पदत्याग गरेका सेथी पाकिस्तानको राष्ट्रिय साप्ताहिक द फ्राइडे टाइम्सका सम्पादक समेत हुन् । त्यस पत्रिकामा खानको व्यङग्यात्मक नियमित स्तम्भ पनि छापिने गथ्र्यो ।

सन् २०१६ मा सेथीकै नेतृत्वमा पाकिस्तान सुपर लिग आयोजना गरिएको थियो । त्यसलाई पाकिस्तानमा २० वर्षमाथिको क्रिकेट खेलको विकासमा ठूलो योगदान पुर्‍याएको प्रतियोगिताका रुपमा लिइन्छ । टी–ट्वान्टी टिममा पाकिस्तान अहिले पनि विश्वकै अग्रस्थानमा रहेको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्