त्रिभुवन विश्वविद्यालयबाट चौध हजार दीक्षित (फोटो फिचर)
पुस १३, २०८१ शनिबार
विदेशबाट फर्केका ७८२ जनाले पाए ऋण, यसरी लिन सकिन्छ सहुलियत कर्जा
काठमाण्डौ – आफ्नो देशको माया सबैलाई लाग्छ । स्वदेशमै रहेर व्यवसाय गर्ने रहर सबैको हुन्छ । तर कहिलेकाहीँ आफूसँग केही गर्ने योजना भएर पनि रकम अभावमा काम अगाडि बढ्न पाउँदैन । यस्तै समस्यालाई सम्बोधन गर्दै विदेशबाट फर्केका युवाहरुलाई लक्षित गरी नेपाल सरकारले सहुलियत कर्जाका लागि ब्याज अनुदान दिँदै आएको छ ।
सहुलियतपूर्ण कर्जाका लागि ब्याज अनुदान सम्बन्धी एकीकृत कार्यविधि, २०७५ अनुसार व्यवसाय गर्न चाहने युवाहरुलाई विभिन्न शीर्षकमा सहुलियत कर्जा प्रदान गर्दै आएको हो । तीमध्ये ‘वैदेशिक रोजगारीबाट फर्किएका युवा परियोजना कर्जा’ पनि एक हो ।
विदेशमा सिकेको सीप, अनुभव तथा केही गर्छुँ भन्ने सोचका साथ व्यवसाय गर्न चाहने युवाहरुलाई लक्षित गरी वैदेशिक रोजगारीबाट फर्किएका युवा परियोजना कर्जा ल्याएको हो । यस अन्तर्गत दश लाख रुपैयाँसम्मको ऋण प्रदान गरिन्छ । ऋणीले सरकारको तर्फबाट पाँच प्रतिशतसम्मको ब्याज अनुदान प्राप्त गर्छन् । जसअन्तर्गत बैंक तथा वित्तीय संस्थाको ब्याजदरबाट पाँच प्रतिशत घटाउँदा जति आउँछ त्यति मात्रै ब्याज तिर्नुपर्ने हुन्छ । बैंक तथा वित्तीय संस्थाले पनि आफ्नो आधारदरमा दुई प्रतिशतभन्दा बढी थप्न नपाउने व्यवस्था कार्यविधिमा उल्लेख छ ।
नेपाल राष्ट्र बैंकको तथ्याँकअनुसार यो व्यवस्था लागू भएदेखि २०७८ को जेठ महिनासम्म ७ सय ८२ जनाले यस कर्जाको लाभ उठाएका छन् । अहिलेसम्म ६५ करोड २५ लाख रुपैयाँ कर्जा स्वीकृत भएको राष्ट्र बैंकका प्रवक्ता देवकुमार ढकालले बताउनुभयो । यो कर्जाको लागि कतिले आवेदन दिए भन्ने कुरा थाहा नभए पनि मापदण्ड पूरा भएका सबैले कर्जा प्राप्त गर्न सक्ने ढकाल बताउनुहुन्छ ।
‘कर्जा चाहियो भनेर निवेदन त धेरैले दिए होलान् तर ज-जसको मापदण्ड पुगेको छ र कागजातका आधारमा बैंकले पत्याएको छ उसैले मात्र कर्जा पाउने हो’, ढकाल भन्नुहुन्छ, ‘सबै कुरा मिलेको छ भने ढुक्क हुनुस्, कर्जा पाउनुहुन्छ ।’
के छ व्यवस्था ?
नेपाल राष्ट्र बैंकबाट ‘क’, ‘ख’, ‘ग’ र ‘घ’ वर्गको मान्यता प्राप्त बैंक तथा वित्तीय संस्थाबाट यो ऋण सुविधा लिन सकिन्छ । कार्यविधि अनुसार लक्षित ऋणीलाई ब्याज अनुदान प्राप्त हुने गरी बैंक तथा वित्तीय संस्थाले विभिन्न दश शीर्षकमा कर्जा प्रवाह गर्छन् । त्यसैमध्येको एक ‘वैदेशिक रोजगारीबाट फर्किएका युवा परियोजना कर्जा’ हो ।
कार्यविधिमा व्यवस्था भएअनुसार श्रम स्वीकृति प्राप्त गरि वा नगरि कुनै पनि देशमा कम्तीमा ६ महिना काम गरि नेपाल फर्केकाहरुलाई यो कर्जा दिइन्छ । उनीहरुले व्यक्तिगत या सामूहिक रुपमा यो कर्जाको लागि बैंकमा आवेदन दिन पाउँछन् ।
यो व्यवस्था लागू भएकोबेला कर्जाको लागि वैदेशिक रोजगार बोर्डमा निवेदन दिनुपर्ने व्यवस्था थियो । तर यसको पछिल्लो संसोधनले बैंकमै गएर निवेदन दिने व्यवस्था ल्याएको हो । कर्जा लिनको लागि उद्यम सञ्चालन तथा कर्जा उपयोग सम्बन्धी संक्षिप्त प्रस्ताव पेश गर्नुपर्ने हुन्छ । यसरी माग गरिएको कर्जामा सम्बन्धित व्यक्तिले उल्लेख गरेको कर्जाको उद्येश्य, जोखिम, माग रकम लगायत परियोजनाको सम्भाव्यता हेरेर तथा कर्जाको सदुपयोग हुने आधारमा बैंक तथा वित्तीय संस्थाले ऋण प्रदान गर्नुपर्ने व्यवस्था छ । कुनै कारणबस कर्जा प्रवाह गर्न सक्ने अवस्था नभएमा स्पष्ट आधार र कारणसहित सम्बन्धित निवेदकलाई लिखित जानकारी दिनुपर्ने कार्यविधिमा उल्लेख छ ।
यसरी प्राप्त गर्ने ऋणको लागि ब्याज अनुदान अवधि बढीमा पाँच वर्ष तोकिएको छ । तर व्यवसायको प्रकृति हेरेर बैंक तथा वित्तीय संस्थाले त्यही अनुसार ब्याज अनुदानको अवधि तोक्न सक्ने कार्यविधिमा उल्लेख छ । त्यो अवधिभित्र ऋण तिरिसक्नुपर्ने हुन्छ । यस्तै व्यवसायको प्रकृति तथा प्रतिफलको अवधिको आधारमा किस्ता भुक्तानी अवधि निर्धारण गर्न सक्ने व्यवस्था पनि छ ।
कार्यविधिका अनुसार बैंकहरुले आफ्नो कारोबारको निश्चित प्रतिशत वा निश्चित संख्यामा यस्तो ग्राहक पुर्याउने लक्ष नेपाल राष्ट्र बैंकले तोकेर त्यसको अनुगमन गर्नुपर्ने हुन्छ ।
आवश्यक कागजात
यस कार्यविधि अनुसार बैंक तथा वित्तीय संस्थाबाट प्रवाह गर्ने कर्जा लिनको लागि राहदानी (पासपाेर्ट), प्रवेशाज्ञा (भिसा) तथा नागरिकताको प्रमाणपत्रको प्रतिलिपि पेश गर्नुपर्छ । यस्तै श्रम स्वीकृति प्राप्त भएको देशबाट फर्केकाको हकमा त्यसको प्रतिलिपि । विदेशमा कम्तीमा ६ महिना काम गरेको भन्ने देखाउने कुनै प्रमाण पनि आवश्यक पर्छ । यस्तै आफू कुनै पनि देशको स्थायी बसोबासको स्वीकृति प्राप्त व्यक्ति नभएको स्व घोषणा गर्नुपर्छ ।
यसको अतिरिक्त सम्बन्धित बैंक तथा वित्तीय संस्थाको विधिवत् रुपमा भरिएको कर्जा आवेदन फारम, प्रचलित कानुन बमोजिम दर्ता भएको व्यवसाय तथा स्थायी लेखा नम्बर प्रमाणपत्रको प्रतिलिपि आवश्यक हुन्छ । यस्तै आफू कर्जा सूचना केन्द्रको कालो सूचीमा नपरेको स्वघोषणा गर्नुपर्छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
1 Comments
समाचार
-
-
युक्रेनमा बिजुली आपूर्ति बन्द गर्ने स्लोभाकियाको चेतावनी
पुस १३, २०८१ शनिबार
-
पहिलो पाँच महिनामा बाग्मती प्रदेश सरकारको करिब १२ प्रतिशत मा...
पुस १३, २०८१ शनिबार
-
कृष्णसारको आहारा सङ्कट टार्न बर्दियाको खैरापुरमा मौसमीखेती शुरू
पुस १३, २०८१ शनिबार
-
हुम्लाको सर्केघाटमा सवस्टेशन निर्माणको लागि जग्गा अधिग्रहण हुँदै
पुस १३, २०८१ शनिबार
-
मोतिहारीबाट अमलेखगञ्जसम्म पाइपलाइनबाटै पेट्रोल र मट्टितेल आया...
पुस १३, २०८१ शनिबार
-
हुम्लामा यस वर्ष तेस्रो पटक हिमपात (फोटो फिचर)
पुस १३, २०८१ शनिबार
-
अस्ट्रेलियासँगकाे चाैथाे टेस्टमा नीतीश कुमारकाे शतक, भारत अझ...
पुस १३, २०८१ शनिबार
-
तनहुँ जलविद्युत् आयोजनाद्वारा ९७ परिवारलाई क्षतिपूर्ति वितरण
पुस १३, २०८१ शनिबार
-
प्रथम विश्वयुद्धका सिपाहीदेखि प्रधानसेनापतिसम्मका सालिक कलाले ...
पुस १३, २०८१ शनिबार
-
जलवायु परिवर्तनका कारण यस वर्ष विश्वभर थप ४१ दिन चरम गर्मी
पुस १३, २०८१ शनिबार
-
सर्वाेच्च अदालतका पूर्वन्यायाधीश वस्तीकाे निधन
पुस १३, २०८१ शनिबार
-
भूउपग्रह ‘मुनाल’ को प्रक्षेपण अबको ३ महिनाभित्र, ‘डाँफे’ को रद्द
पुस १३, २०८१ शनिबार
-
अस्ट्रेलियासँगको चौथो टेस्टको पहिलो पारीमा भारतको उत्कृष्ट पुन...
पुस १३, २०८१ शनिबार
विचार
-
बिग्रे–भत्केका सडक बर्खाअघि नै बनाउने योजना हो, तर बजेटको सम...
पुस १३, २०८१ शनिबार
-
आईसीसीको पूर्ण सदस्य राष्ट्र बन्नका लागि चाहिने मापदण्डहरूअनुसा...
पुस ७, २०८१ आइतबार
-
कागजपत्र लगेर कम्पनी दर्ता गर्ने प्रक्रिया बन्द भइसक्यो
मंसिर ३०, २०८१ आइतबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Bhim Budhathoki
Oct. 5, 2021, 12:20 p.m.सरकार को राम्रो निर्णय हो।