प्रधानमन्त्री कप : त्रिभुवन आर्मी क्लब १०६ रनले विजयी

जेठ १८, २०७५ शुक्रबार १७:५४:३२ | उज्यालो सहकर्मी

काठमाडौं : एक्सेल्सिया कलेज प्रधानमन्त्री कप एकदिवसीय राष्ट्रिय क्रिकेट प्रधानमन्त्री कप प्रतियोगितामा त्रिभुवन आर्मी क्लबले प्रदेश नम्बर १ लाई १०६ रनले हराएको छ ।

राष्ट्रिय खेलकुद परिषदको आयोजना तथा नेपालय इन्टरनेशनलको व्यवस्थापनमा जारी प्रतियोगिताको समूह ए अन्तर्गत त्रिवि क्रिकेट मैदानमा भएको खेलमा आर्मीले कप्तान बिनोद भण्डारीले उत्कृष्ट ब्याटिङमा सफलता हासिल गरेको हो ।

वर्षाका कारण ४५ ओभरमा छोट्याइएको खेलमा टस हारेर पहिले ब्याटिङ गरेको आर्मीले आठौं नम्बरमा ब्याटिङमा आएका कप्तान बिनोद भण्डारीको विष्फोटक पारीको सहयोगमा निर्धारित ४५ ओभरमा ९ विकेट गुमाएर २२५ रन बनाएको थियो ।

२२६ रनको लक्ष्यसहित जवाफी ब्याटिङमा उत्रिएको प्रदेश नम्बर १, २९.३ ओभरमा ११९ रनमा अलआउट भयो ।

प्रदेश १ का कप्तान पुष्प थापाले ५९ र राजन मगरले २४ रन जोड्नुबाहेक अन्य खेलाडीले दोहोरो अंकको रन बनाउन सकेनन् । प्रदेश नम्बर १ का चार ब्याट्सम्यान शून्यमै आउट भए ।

चौथो नम्बरमा ब्याटिङमा आएका कप्तान थापा क्रिजमा टिकिरहँदा अर्कोतिरको विकेट लगातार झर्दै गयो । थापाले ७२ बल खेलेर ६ चौका र १ छक्का प्रहार गरे ।

प्रदेश १ को इनिङ धराशायी बनाउने क्रममा आर्मीका शुसान भारीले ४ विकेट लिए । ६.३ ओभरमा बलिङ गरेका उनले १ मेडनसहित १५ रन खर्चिए । त्यस्तै सोमपाल कामी, सागर पुन र साहव आलमले पनि २–२ विकेट लिए ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्