काठमाण्डौ उपत्यकामा एक हप्तादेखि १० दिनसम्म निषेधाज्ञा लम्ब्याउने तयारी

सार्वजनिक गाडीलाई कसरी खुलाउने भन्नेबारे छलफल हुँदै

असार १३, २०७८ आइतबार १६:४४:४७ | उज्यालो सहकर्मी

काठमाण्डाै – काठमाण्डाै उपत्यकामा एक हप्तादेखि १० दिनसम्म निषेधाज्ञा लम्ब्याउनेबारे अहिले छलफल भइरहेको छ । कोरोना भाइरसको सङ्क्रमण केही कम भए पनि जोखिम उस्तै रहेकाले थप लम्ब्याउने तयारी भएको काठमाण्डौका प्रमुख जिल्ला अधिकारी कालीप्रसाद पराजुलीले जानकारी दिनुभयो ।

अहिले ललितपुरमा काठमाण्डौ उपत्यकाका तीनै जिल्लाका प्रमुख अधिकारीसहित सम्बन्धित सरोकारवाला निकायका पदाधिकारीको बैठक बसिरहेको छ । बैठकमा २० सिट क्षमताभन्दा बढी भएका सार्वजनिक गाडीलाई जोर–बिजोर प्रणालीमा बाढीमा ५० प्रतिशत यात्रु मात्रै बोक्ने गरी चलाउनेबारे छलफल भइरहेको ललितपुरका प्रमुख जिल्ला अधिकारी ढुण्डीप्रसाद निरौलाले जानकारी दिनुभयो ।

यस्तै निश्चित समय तोकेर फास्ट फूड, हस्तकला तथा रक्सी वितरण गर्ने पसल पनि खोल्नेबारे छलफल भइरहेको उहाँले बताउनुभयो । पार्टी प्यालेसलाई भने केही समय बन्द नै गर्ने तयारी भइरहेको छ । बैठकमा छलफल सकेपछि उपत्यकाका तीनै जिल्लाका प्रमुख जिल्ला अधिकारी बसेर निषेधाज्ञाका बारेमा निर्णय गर्ने छ ।

अहिले निजी गाडी र ट्याक्सीमा जोर–बिजोर प्रणाली लागू गरिएको छ ।

यस्तै तरकारी तथा फलफूलका पसल बिहान ११ बजेसम्म खोल्न दिइएको छ भने पुस्तक पसल पनि बिहान ११ बजेसम्म खुल्दै आएको छ । त्यसैगरी निश्चित समय तोकेर हार्डवेयरलगायत अन्य पसल पनि खोल्न दिइएको छ ।

सार्वजनिक गाडी, विद्यालय, मठ–मन्दिर, पार्टी प्यालेस लगायतमा प्रतिबन्ध कायमै छ । विज्ञले सङ्क्रमणको जोखिम कायमै रहेकाले सार्वजनिक गाडी खुलाउन हतार नगर्न सुझाव दिएका छन् । तर यातायात व्यवसायीले लामो समयदेखि गाडी थन्किँदा समस्यामा परेको भन्दै खुलाउन माग गर्दै आएका छन् ।

काठमाण्डौ उपत्यकामा गएको वैशाख १६ गतेदेखि निषेधाज्ञा छ । पछिल्लो पटक थपिएको निषेधाज्ञा भोलिदेखि सकिँदै छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्