एसीसी प्रिमियर कप क्रिकेटको तेस्रो स्थानका लागि नेपालले आज हङ...
बैशाख ८, २०८१ शनिबार
सङ्खुवासभा – सङ्खुवासभामा निर्माणाधीन नौ सय मेगावाटको अरुण तेस्रो जलविद्युत् आयोजनाका मजदुरबीच कुटपिट हुँदा गम्भीर घाइते भएका एक मजदुरको उपचारका क्रममा ज्यान गएको छ ।
अरुण तेस्रोको पावर हाउस गृह चिचिला गाउँपालिका–३ पुखुवामा कार्यरत दुई मजदुरबीच झगडा हुँदा गम्भीर घाइते भएका कालीकोट तिलागुफा नगरपालिका ४ का ३८ वर्षीय वसन्त शाहीको उपचारका क्रममा ज्यान गएको हो ।
गएको असार १० गते राति दुई मजदुरबीच विवाद बढ्दै गएपछि कालीकोट महाबै गाउँपालिका–२ का ५० वर्षीय अर्जुन सिंहले शाहीलाई हम्बरले टाउकोमा हानेका थिए । सिंह पटेल इन्जिनियरिङ कम्पनीका पेटी ठेकेदार हुन् भने शाही साइट सुपरभाइजर थिए ।
कुटपिटमा संलग्न सिंहलाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय सङ्खुवासभाले जनाएको छ ।
संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।