पहिरोले भीमफेदी–कुलेखानी सडकखण्ड अवरुद्ध

असार १६, २०७८ बुधबार ११:१३:५६ | उज्यालो सहकर्मी

काठमाण्डाै – लगातार परेको पानीका कारण पहिरो जाँदा मकवानपुरको भीमफेदी–कुलेखानी सडकखण्ड बन्द भएको छ । भीमफेदी गाउँपालिका—६ देउराली र गढीमा झरेको पहिरोले आज बिहानैदेखि सडकखण्ड बन्द भएको हो ।

सडक बन्द हुँदा भीमफेदी–कुलेखानीतर्फको यातायात सेवा बन्द भएको जिल्ला प्रहरी कार्यालय मकवानपुरले जनाएको छ । निरन्तर पहिरो खसिरहेकाले तत्कालै पहिरो हटाएर बाटो सञ्चालन गर्न समस्या भइरहेको मकवानपुरका प्रमुख जिल्ला अधिकारी भरतमणि पाण्डेले बताउनुभयो । अहिले सडक खुलाउन स्काभेटर र प्राविधिकलाई खटाइएको पनि उहाँले जानकारी दिनुभयो ।

यस्तै, पहिरोले बन्द लमजुङको बेँसीशहरबाट मनाङको चामेसम्मको सडक अझै पूर्ण रुपमा खुल्न सकेको छैन । मनाङ जिल्लाको सीमानासम्म पुग्न अझै झण्डै १३ किलोमिटर सडक खुलाउन बाँकी रहेको डुम्रे–बेँसीशहर–चामे सडक योजनाले जनाएको छ । अबको एक हप्तामा सडक खुलाइसक्ने गरी काम भइरहको योजनाका प्रमुख अमितकुमार श्रेष्ठले बताउनुभयो ।

मनसुन सुरु भएलगत्तै असार पहिलो हप्तादेखि बन्द भएका देशभरका १२ वटा सडक खुल्न सकेका छैनन् । ३० वटा सडक एकतर्फी र १९ वटा दुवैतर्फ खुलाइएको सडक विभागले जनाएको छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पहिरोले भीमफेदी–कुलेखानी सडकखण्ड अवरुद्ध

फाइल तस्बिर

तपाईको प्रतिक्रिया