पोको कता ?

भदौ ११, २०७५ सोमबार १७:४०:१८ | श्यामशितल परियार

लमजुङ – लमजुङमा सचेतनामुलक सडक नाटक ‘पोको कता ?’ देखाइएको छ ।

बेसीशहरको मनाङ्गे चौतारा, भिमसेनस्थानचोक र शेराचोकमा यस नाटक देखाइएको हो । बेसीशहर नगरपालिकाको सहयोगमा जिल्लामा क्रियाशिल मञ्जरी नाट्य समूहले नगरका बासिन्दामाझ सचेतनामुलक यस नाटक देखाएको हो ।

समुदायमा सरसफाईसम्बन्धी चेतना फैलाउनका लागि सचेतनामुलक सडक नाटक ‘पोको कता ?’ देखाइएको मञ्जरी नाट्य समूहका संयोजक एवम् नाटकका कलाकार केदार बोहराले बताउनुभयो ।

‘सडकमा जथाभावी फोहोर फाल्ने, कुहिने र नकुहिने फोहोरको व्यवस्थापन नगर्नेहरुलाई नाटकबाटै सजग गराइएको छ । यसैगरी नाटकले सफा नगर अभियानमा सघाउन पनि सबैमा अनुरोध गरेको छ,’ उहाँले भन्नुभयो । सचेतनामुलक नाटकले सफा नगर अभियानमा टेवा पुग्ने बेसीशहर नगरपालिका मेयर गुमानसिंह अर्यालले विश्वास व्यक्त गर्नुभएको छ ।

नाटकका लेखक भरत राना हुनुहुन्छ । नाटकको निर्देशन भने केदार बोहोराले नै गर्नुभएको हो । सडक नाटकमा ६ जनाले अभिनय गरेका छन् । मञ्जरी नाट्य समूहले यसअघि जिल्लामा विभिन्न सचेतनामुलक नाट्क प्रस्तुत गर्दै आइरहेको छ । सडक नाटक ‘पोको कता ?’ हेरेपछि दर्शकहरुले नाटक निकै सन्देशमुलक रहेको प्रतिक्रिया दिएका थिए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्