बढ्न थाल्याे काेराेना सङ्क्रमण

असार १६, २०७८ बुधबार १९:१४:९ | उज्यालो सहकर्मी

काठमाण्डाै – पछिल्लो २४ घण्टामा देशभर दुई हजार आठ सय ९२ जनामा कोरोना भाइरसकाे सङ्क्रमण पुष्टि भएको छ । सात हजार एक सय ८७ जनामा गरिएको पीसीआर परीक्षणमा एक हजार आठ सय ८९ जना कोरोना सङ्क्रमित भेटिएका छन् । यस्तै चार हजार तीन सय ८१ जनामा गरिएको एन्टिजेन परीक्षणमा एक हजार तीन जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । मन्त्रालयका अनुसार सङ्क्रमण दर २६ प्रतिशत पुगेको छ ।

जोखिम अझै नहटेकाले जन स्वास्थ्यका मापदण्ड पालना गर्न मन्त्रालयका प्रवक्ता कृष्णप्रसाद पौडेलले आग्रह गर्नुभएको छ । कोरोना सङ्क्रमणका कारण पछिल्लो २४ घण्टामा र थप भएकाे विवरणसहित ४१ जनाको ज्यान गएकाे छ । यस अवधिमा कोरोना सङ्क्रमणमुक्त हुनेको सङ्ख्या तीन हजार पाँच सय ९७ छ ।

अहिले देशभर सक्रिय सङ्क्रमितको सङ्ख्या ३३ हजार पाँच सय ६१ रहेको छ । तीमध्ये ३० हजार पाँच सय ४४ जना होम आइसोलेशनमा छन् भने तीन हजार १७ जना संस्थागत आइसोलेशनमा रहेको मन्त्रालयले जनाएको छ ।

अहिलेसम्म कोरोना सङ्क्रमणका कारण नौ हजार एक सय १२ जनाको ज्यान गएकाे छ । पाँच सयभन्दा बढी सङ्क्रमित हुने जिल्लाको सङ्ख्या १७ छ । पछिल्ला दिन कोरोना सङ्क्रमितको सङ्ख्या बढ्न थालेको तथ्याङ्कले देखाएको छ ।

मङ्गलवार सङ्क्रमण पुष्टि भएको दुई हजार ६ सय ३६ भन्दा आज दुई सय ५६ जना बढी थपिएका छन् । सोमवार दुई हजार चार सय ४४ जना सङ्क्रमित भेटिएका थिए । आइतवार एक हजार नाै सय २० जनामा कोरोना सङ्क्रमण पुष्टि भएको मन्त्रालयले सार्वजनिक गरेको थियो ।

अन्तिम अपडेट: माघ २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्