अर्जुन ट्रफी क्रिकेटमा झापा १ रनले विजयी

माघ २३, २०८१ बुधबार १८:२:२१ | उज्यालो सहकर्मी

काठमाण्डाै – अर्जुन ट्रफी राष्ट्रिय टी–२० क्रिकेटमा बाेस्टन क्रिकेट झापाले घाेडाघाेडी–११ सुख्खडलाई हराएकाे छ ।

धनगढीको फाप्ला क्रिकेट मैदानमा आज भएकाे खेलमा झापाले घोडाघोडी–११ लाई १ रनले हरायो । झापाले दिएको १ सय ६२ रनको लक्ष्य पछ्याएको घोडाघोडी–११ ले २० ओभरमा ७ विकेट गुमाएर १ सय ६० रनमात्र बनाउन सक्यो । घोडाघोडी–११ का दिनेश रावतले ६४ रन बनाए । झापाका अभिषेक कार्कीले ३ विकेट लिए ।

यसअघि टस जितेर ब्याटिङ गरेको झापाले २० ओभरमा ६ विकेट गुमाएर १ सय ६१ रन बनायो । झापाका रोशन शाहले ४१ तथा रोशन विक र अभिषेक कार्कीले समान ३७ रन बनाए । घोडाघोडी–११ का शेर मल्लले २ विकेट लिए ।

यो जीतसँगै झापा–३ खेलमा २ अङ्कसहित समूह ‘ए’ को तेस्रो स्थानमा छ । घोडाघोडी–११ २ खेलमा अङ्कविहीन हुँदै पुछारमा छ । प्रतियोगितामा देशभरका ८ वटा क्लब सहभागी छन् । विजेताले १० लाख र उपविजेताले ५ लाख रुपैयाँ पुरस्कार पाउनेछन् ।

नेपाल क्रिकेट सङ्घ (क्यान) को वार्षिक क्यालेन्डरमा समावेश यो प्रतियोगिता यही माघ २८ गतेसम्म चल्नेछ ।

अन्तिम अपडेट: माघ २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्