रुकुम पश्चिम : राष्ट्रपति र प्रधानमन्त्रीको पुत्ला जलाउने क्रममा तीन विद्यार्थी घाइते, ११ जना पक्राउ

असार १६, २०७८ बुधबार २०:२२:४८ | राजु लामिछाने

रुकुम पश्चिम – राष्ट्रपति र प्रधानमन्त्रीको पुत्ला जलाउने क्रममा रुकुम पश्चिममा तीन विद्यार्थी नेता घाइते भएका छन् । घटनामा अन्य ११ जना पक्राउ परेका छन् ।

संयुक्त विद्यार्थी सङ्गठनले बुधवार (आज) बेलुका रुकुम पश्चिमको सदरमुकाम खलङ्गामा राष्ट्रपति विद्यादेवी भण्डारी र प्रधानमन्त्री केपी शर्मा ओलीको पुत्ला जलाउने क्रममा प्रहरीले लाठी प्रहार गर्दा तीन विद्यार्थी नेता घाइते भएका हुन् ।

पुत्ला जलाउने क्रममा प्रहरीको लाठी प्रहारबाट अखिल क्रान्तिकारी जिल्ला अध्यक्ष सुशील विष्ट, अखिल क्रान्तिकारीका जिल्ला सचिव नारायण केसी र अनेरास्ववियु क्रान्तिकारीका निवर्तमान जिल्ला उपाध्यक्ष सोमपाल कामी घाइते भएका हुन् । घाइतेमध्ये विष्ट र केसीको टाउकोमा चोट लागेको र कामीको हातमा चोट लागेको विद्यार्थी नेतृ भावना शर्माले बताउनुभयो ।

घाइते विष्ट र केसीसँगै अखिल क्रान्तिकारीका केन्द्रीय सदस्य सुन्दर शर्मासहित ११ जनालाई प्रहरीले पक्राउ गरेको छ । अहिले उनीहरूको रिहाइको माग गर्दै विभिन्न विद्यार्थी सङ्गठनका नेता प्रहरी कार्यालय पुगेका छन् ।

संयुक्त विद्यार्थी सङ्गठनको कार्यक्रमअनुसार यहाँका राजनीतिक दल निकट विद्यार्थी सङ्गठनले आज बेलुका पुत्ला जलाउने कार्यक्रम राखेका थिए । प्रधानमन्त्रीको सिफारिसमा प्रतिनिधि सभा विघटन, असंवैधानिक रूपमा विभिन्न निकायमा गरेको नियुक्ति र राष्ट्रपतिले त्यसको संरक्षण गरेको दाबी गर्दै विरोधमा पुत्ला जलाउने कार्यक्रम गरिरहेका विद्यार्थी नेतालाई प्रहरीले पक्राउ गरेको हो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्