भारतीय प्रधानमन्त्री मोदीको हत्या गर्ने षड्यन्त्र रचेको आरोपमा क्रान्तिकारी लेखक राव पक्राउ

भदौ १३, २०७५ बुधबार ९:३४:२२ | एजेन्सी

भारतीय प्रधानमन्त्री नरेन्द्र मोदीको हत्याको षड्यन्त्र रचेको भन्दै क्रान्तिकारी विचारधाराका लेखक तथा सामाजिक कार्यकर्ता वरवरा रावलाई महाराष्ट्र प्रहरीले गिरफ्तार गरेको छ ।

प्रधानमन्त्री मोदीको हत्या गर्ने षडयन्त्र रचेको र महाराष्ट्रको भिमा कोरेगावँ हिंसामा संलग्नता भएको आरोपमा रावलाई हैदराबादबाट पक्राउ गरिएको हो । हैदराबादमा रहेका रावका दुई जना छोरीको घरमा पनि महाराष्ट्र प्रहरीले छापा मारेको छ ।

मंगलबार नै अन्य ठाउँबाट समेत सामाजिक कार्यकर्ताहरुलाई हिंसा भड्काएको आरोपमा पक्राउ गरिएको छ । मुम्बईबाट वेरनोन जोञ्जालुइस र अरुण फरेरा, दिल्लीबाट गौतम नौलखा, फरिदाबादबाट सुधा भारद्वाजलाई गिरफ्तार गरिएको छ ।

सन् २०१८ को सुरुवातमा महाराष्ट्रको भीमा कोरेगांवमा दुई समुदायबीच भएको साम्प्रदायिक हिंसाको अनुसन्धानका लागि भन्दै पुणे प्रहरीले यो कारबाही थालेको हो ।

सामाजिक कार्यकर्ताको गिरफ्तारीपछि यसको सर्वत्र विरोध भएको छ । चर्चित लेखक अरुन्धती रोय भन्छिन, ‘यो संकटकाल घोषणा गर्न लागिएजस्तै हो ।’ खुलेआम नागरिकको हत्या गर्ने, भिडतन्त्र मच्चाउनेहरुलाई पक्राउ गर्नुको साटो वकील, कवि, लेखक, दलित चिन्तक तथा बुद्धिजीविहरुलाई पक्राउ गरिनु भारत कुन बाटोतर्फ गैरहेको छ भन्ने कुराको स्पष्ट संकेत भएको रोय बताउँछिन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्