‘काेराेना, बाढी–पहिराे पीडितका लागि सरकारले तत्काल गाँस र बासकाे व्यवस्था गराेस्’

साउन ११, २०७८ सोमबार १५:५३:२४ | उज्यालो सहकर्मी

काठमाण्डाै – प्रतिनिधि सभाका सांसदहरूले कोरोना, बाढी र पहिरो पीडितका लागि गाँस र बासको तत्काल व्यवस्था गर्न सरकारसँग माग गरेका छन् । सङ्घीय संसद् प्रतिनिधि सभा अन्तर्गतको महिला तथा सामाजिक समितिको सोमवारको बैठकमा बोल्दै नेपाली कांग्रेसकी सांसद सुवर्ण ज्वारचनले कोरोना, बाढी र पहिरो पीडित भोकभोकै मर्ने अवस्था आएको उल्लेख गर्दै उनीहरूका लागि आवश्यक गाँस र बासको व्यवस्था तत्काल गर्न सरकारसँग माग गर्नुभयो ।

कोरोना, बाढी, पहिरो पीडितले कतिपय ठाउँमा भोकभोकै मर्नुपर्ने अवस्था आएको छ, उहाँले भन्नुभयो, त्यस्ता पीडितका लागि तत्काल गाँस र बासको व्यवस्था गर्न म सरकारसँग जोडदार माग गर्दछु । सांसद ज्वारचनले समितिले पनि बाढी, पहिरो र कोरोना अति प्रभावित क्षेत्रको अनुगमन गरी उनीहरूलाई राहत दिन सरकारलाई सचेत गराउन ढिलाइ गर्न नहुनेमा जोड दिनुभयो ।

नेकपा एमालेकी सांसद एवम् पूर्वमन्त्री थममाया थापाले कोरोनाको सम्भावित तेस्रो लहरबाट क्षति हुन नदिन सरकारलाई सचेत गराउनुभयो । बालबालिकाहरू दुर्व्यसनीमा फस्ने क्रम कोरोना कालमा झनै बढ्दै गएको उल्लेख गर्दै उहाँले त्यसो हुन नदिन सरकार सजग हुनुपर्ने पनि स्पष्ट पार्नुभयो । सांसद थापाले भन्नुभयो, कोरोनाको सम्भावित तेस्राे लहरबाट बच्न विज्ञसँग छलफल गरी सरकारले योजना ल्याउनुपर्दछ ।

समितिकी अर्का सदस्य एवम् कांग्रेस सांसद हिरा गुरुङले बालिकाहरूमाथि बलात्कारपछि हत्या गर्ने क्रम बढिरहेकोमा आक्रोश व्यक्त गर्दै पीडितलाई न्याय दिने काममा ढिलाइ नगर्न सरकारको गम्भीर ध्यानाकर्षण गराउनुभयो । उहाँले बलात्कारपछि हत्या गरिएकी निर्मला पन्तको परिवारले अझै न्याय नपाएको दृष्टान्त समितिको बैठकमा पेस गर्दै पीडितलाई न्याय दिने काममा सरकार गम्भीर नभएको आरोपसमेत लगाउनुभयो ।

बैठकमा अमृता थापामगर, विमला विश्वकर्मालगायतका सांसदले सामाजिक कलङ्कको रूपमा रहेको छाउपडी प्रथा, बोक्सी, दाइजो दिने जस्ता काम अन्त्य गर्न सामाजिक अभियान नै चलाएर अघि बढ्न सरकारको ध्यानाकर्षण गराएका थिए ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्