बाघ दिवस : सङ्ख्या बढेसँगै चुनौती थपिँदै

साउन १४, २०७८ बिहीबार ७:४४:३५ | उज्यालो सहकर्मी

काठमाण्डाै - आज विश्व बाघ दिवस । ‘बाघको अस्तित्व : मानवको दायित्व’ भन्ने सन्देशका साथ विभिन्न कार्यक्रम गरी दिवस मनाइँदै छ ।

नेपालले सन् २०१० लाई आधार वर्ष मानेर सन् २०२२ सम्ममा बाघको सङ्ख्या १ सय २१ बाट बढाएर २ सय ५० पुर्याउने लक्ष्य राखेकोमा अहिले बाघको सङ्ख्या २ सय ३५ पुगिसकेको छ ।

संरक्षणका कार्यक्रम प्रभावकारी रूपमा सञ्चालन भइरहेकाले अर्को वर्षसम्ममा नेपालले अन्तर्राष्ट्रिय मञ्चमा गरेको प्रतिबद्धता पूरा हुने निश्चित भएको छ । सन् २०११ मा रुसको सेन्ट पिटर्सवर्गमा भएको विश्व बाघ सम्मेलनमा नेपालले सन् २०२२ सम्ममा बाघको सङ्ख्या दोब्बर बनाउने प्रतिबद्धता जनाएको थियो । बाघको सङ्ख्या बढिरहँदा जोखिम पनि थपिएको छ ।

बर्दिया र चितवनमा बाघको आक्रमणबाट मान्छेको ज्यान जाने घटना बढिरहेको छ । बर्दियामा गएको आर्थिक वर्षमा मात्रै बाघको आक्रमणबाट १२ जनाको ज्यान गएको छ । यही महिनाको पहिलो हप्तामा पनि अर्का एक जनाको बाघको आक्रमणबाट ज्यान गएको छ ।

मान्छेलाई आक्रमण गर्ने चारवटा बाघलाई नियन्त्रणमा लिइएको बर्दिया निकुञ्जले जनाएको छ । सरकारले बाघलगायत अरू वन्यजन्तुको आक्रमणमा परेर घाइते भएका तथा ज्यान गुमाएकाका परिवारलाई राहत दिने गरेको छ । नेपालसहित विश्वका १३ देशमा मात्रै बाघ पाइन्छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाघ दिवस : सङ्ख्या बढेसँगै चुनौती थपिँदै

फाइल फाेटाे

तपाईको प्रतिक्रिया