हिजो चप्पल किन्ने अवस्था नहुँदा पनि म ठिक थिएँ, जितेको रकमले शरणार्थीका लागि एम्बुलेन्स सहयोग गर्छु – किरण गजमेर

 साउन २४, २०७८ आइतबार ९:३८:४९ | उज्यालो सहकर्मी
unn.prixa.net

काठमाण्डाै - 'द भ्वाइस अफ नेपाल सिजन–३' को उपाधि विजेता किरण गजमेरले शरणार्थी नागरिकका लागि दुई वटा एम्बुलेन्स सहयोग गर्ने बताएका छन् । उपाधिको छिनोफानो भएसँगै हिजाे भएको कार्यक्रममा उनले आफूले जितेको रकमबाट शरणार्थीका लागि दुई वटा एम्बुलेन्स सहयोग गर्ने बताएका हुन् । 

विगतमा आफूले शरणार्थी जीवन बिताउँदा पाएको दु:ख कष्ट सम्झँदै उनले उपचार नपाउँदा हजुरआमालाई गुमाएको भन्दै एम्बुलेन्स सहयोग गर्ने बताएका हुन् । उनले भने – ‘हिजो चप्पल किन्ने अवस्था नहुँदा पनि म ठिक थिएँ, जितेको रकमले शरणार्थीका लागि एम्बुलेन्स सहयोग गर्छु ।’

उनले बिरामी भएका बेला एम्बुलेन्सलाई घण्टौँ कुर्नु पर्ने बाध्यता रहेकाले धेरैले उपचार नपाउने गरेको पनि बताएका छन् । विगतमा उपचार नपाएकै कारण आफूले हजुरआमालाई गुमाएको सम्झँदै उनले भनेका छन् : ‘ट्रफी त लैजान्छु नै । जितेको २५ लाखमध्ये एक हजार रुपैयाँ आमालाई दिन्छु । अनि जितेकाे पैसाले दुई वटा एम्बुलेन्स सहयोग गर्छु र पैसा बाँकी रहे कोरोना विरुद्धको खोप लगाउनबाट वञ्चित भएकाहरुलाई सहयोग गर्छु ।’

एक हप्तासम्म दर्शकले गरेको भोटका आधारमा 'द भ्वाइस अफ नेपाल सिजन–३'को उपाधिको छिनोफानो भएको हो । उनले आर्यन तामाङ, ज्वाला राई र तारा श्रीष मगरलाई पछि पार्दै भ्वाइस अफ नेपालको उपाधि जितेका हुन्। 

किरणले उपाधि जितेपछि आफूलाई विश्वभरबाट भोट गर्ने सबै नेपालीलाई धन्यवाद पनि दिएका छन् । अमेरिका बस्दै आएका किरण झापाको खुदुनाबारीमा रहेको भुटानी शरणार्थी शिविरमा जन्मिएका हुन् । 
 

अन्तिम अपडेट: भदौ २५, २०७८

2 Comments

  • गोबिन्द बुढा

    Aug. 8, 2021, 2 p.m.

    जित्नु कुनै ठूलो कुरो होईन मेहनेत गरे अबस्से जितिन्छ! ठूलो कुरो त यो हो जो तपाईले आफ्नो स्वार्थ न हेरि अरुको भलो गर्दै हुनु हुन्छ! विशेष त टिम प्रमोद र किरन लाई धन्ने बाद र भोईस टिमलाई पनि !

  •  0 Reply
  • सन्ध्या बस्याल

    Aug. 8, 2021, 10:28 a.m.

    भ्वाइस अफ नेपाल नेपाल को शो हो ।2.77+ लाख भिवर्स जुन अहिले सम्म कै highest थियो र जित्नु मात्रै ठूलो कुरा होइन टिम प्रमोद का महान सोच भएका किरण गजमेर सँगसँगै सबै प्रतिस्पर्धी लाई हार्दिक बधाई।

  •  0 Reply

तपाईको प्रतिक्रिया